12 myńnan astam qazaqstandyqty osy kúzde merzimdi áskerı qyzmetke shaqyrady
Bul týraly QR Qorǵanys mınıstrliginiń baspasóz qyzmetinen habarlady.
«Shaqyrýdy uıymdastyrý jáne ótkizýmen jergilikti áskerı basqarý organdarymen (áskerı komıssarıat) birlesip jergilikti atqarý organdary (ákimdikter) aınalysýda. Shilde men qyrkúıek aralyǵynda shaqyrý kontıngentin zerdeleý, shaqyrylýshylarmen, olardyń ata-analarymen, olar oqyp júrgen jáne jumys atqaryp júrgen oqý oryndary, kásiporyn ókilderimen jeke áńgimeler júrgizildi. Áskerı bólimder boıynsha irikteý jáne bólý kezinde shaqyrylýǵa deıingi bolashaq merzimdi áskerılerdiń alǵan mamandyqtary, densaýlyq jaǵdaıy, dene jáne moraldyq-psıhologııalyq daıyndyǵy eskeriledi. Qosymsha medıtsınalyq kýálandyrý, ıaǵnı, narkologııalyq testileý, gepatıt pen týberkýlezge zerthanalyq zertteý sharalary kózdelgen. Áskerı bólimderdi jasaqtaý eksaýmaqtyq jáne aýmaqtyq qaǵıdattar boıynsha júzege asyrylady. Shaqyrý kampanııasy barysynda qazan men jeltoqsan aralyǵynda arnaıy «qaýyrt jeli» jumys atqaratyn bolady», - dep jazylǵan habarlamada.