1,2 mln teńgelik kereýet: Qyzylordada aýrýhanadaǵy alaıaqtyq áshkerelendi

ASTANA. KAZINFORM –  Aýrýhananyń bas esepshisi medıtsınalyq kereýetterdiń satyp alý baǵasyn úsh esege kóterý arqyly memleket qarjysyn jymqyrǵan. 

Qarjylyq monıtorıng agenttigi Bas kólik prokýratýrasynyń úılestirýimen «Qyzylorda oblystyq ınfektsııalyq aýrýhanasy» ShJQ MKK-nyń laýazymdy tulǵalaryna qatysty asa iri kólemdegi bıýdjet qarajatyn jymqyrý faktisi boıynsha tergeýdi aıaqtady.

Aýrýhananyń bas esepshisi medıtsınalyq kereýetterdiń satyp alý baǵasyn úsh esege kóterý arqyly memleket qarjysyn jymqyrǵan.

Joǵary baǵany kózdegen kúdikti, jubaıy daıyndaǵan jalǵan baǵa usynystaryn qoldanaǵan.

— Ótkizilgen tenderdiń nátıjesinde JShS men aýrýhana arasynda jalpy quny 259 mln teńgege 220 medıtsınalyq kereýet satyp alýǵa shart jasalǵan. Bir kereýettiń baǵasy 1,2 mıllıon teńge dep kórsetilgen. Biraq shyn máninde onyń naqty satyp alý baǵasy 460 myń teńgeden aspaǵan, ıaǵnı kórsetilgen baǵadan úsh ese arzan bolǵan. Osylaısha, negizsiz qosylǵan shyǵyn kólemi 129 mln teńge boldy, — delingen QMA habarlamasynda.

Tergeý barysynda kúdiktilerdiń 111 mln teńge turatyn múlkine tyıym salyndy. Memleketke keltirilgen 129 mln teńge kólemindegi zalal tolyq kólemde óteldi.

Bas esepshi 2 aı merzimge qamaýǵa alyndy. Qylmystyq is sotqa joldandy.

Aıta ketelik Sybaılas jemqorlyqqa qarsy qyzmet «Ádil qoǵam» jobasyn iske qosqan edi.