12 mln teńge para talap etken: Túrkistan oblysynda jalǵan UQK qyzmetkeri ustaldy
TÚRKІSTAN. KAZINFORM - Túrkistan oblysynda tekserý sharalaryn toqtatýǵa ýáde bergen azamat 6 mln teńge kóleminde para alý kezinde ustaldy. Ol ózin QR Ulttyq qaýipsizdik komıtetiniń qyzmetkeri retinde tanystyrǵan.
Qarjylyq monıtorıng agenttigi Túrkistan oblysy prokýratýrasynyń úılestirýimen jáne óńirdiń UQKD-men birlesip júrgizgen ustaý is-sharasy barysynda kúdikti qolǵa tústi. Ol ekonomıkalyq tergep-tekserý departamenti men UQKD tarapynan tekserý is-sharalaryn toqtatý syltaýymen para berýge ıtermelegen. Kelisilgen aqshalaı syıaqy somasy 12 mln teńgeni quraǵan. Onyń jartysyn alǵan kezde kúdiktiniń qolyna kisen salyndy.
«Bul fakt boıynsha sotqa deıingi tergep-tekserý bastaldy. QR QPK-niń 201-baby tártibindegi ózge de aqparat jarııa etýge jatpaıdy. Eger siz ókilettikterdi teris paıdalaný, qarajatty jymqyrý nemese basqa da ekonomıkalyq quqyq buzýshylyqtar faktileri jaıly bilseńiz, «AFM Insider» telegram botyna habarlaýyńyzdy suraımyz. Anonımdilikke kepildik beriledi» - delingen QR QMA Baspasóz qyzmeti usynǵan aqparatta.
