12 maýsym. Týǵan kún ıeleri

NUR-SULTAN. QazAqparat – Búgin, ıaǵnı 12 maýsymda tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

67 jyl buryn (1955) QR Parlamenti Senatynyń depýtaty, Konstıtýtsııalyq zańnama, sot júıesi jáne quqyq qorǵaý organdary komıtetiniń tóraǵasy Vladımır Vasılevıch VOLKOV dúnıege keldi.

Qostanaı qalasynda týǵan. 1982 jyly S.M. Kırov atyndaǵy Qazaq memlekettik ýnıversıtetin bitirgen. Zańger. Eńbek jolyn 1974 jyly QazSSR Mınıstrler Keńesi janyndaǵy Dene shynyqtyrý jáne sport komıtetiniń nusqaýshysy bolyp bastap. Búkilodaqtyq eriktiler sport qoǵamdarynda jattyqtyrýshy-oqytýshy boldy. 1982-1990 jyldary Qazaq memlekettik ýnıversıteti ákimshilik jáne memlekettik quqyq kafedrasynyń assıstenti, zań fakýltetiniń keshki-syrttaı oqytý bólimi dekanynyń orynbasary bolyp jumys istegen. 1990-1993 jyldary QazSSR Joǵarǵy Keńesiniń aǵa referenti, sektor meńgerýshisi, Qazaqstan Respýblıkasy Joǵarǵy Keńesi Tóraǵasy orynbasarynyń kómekshisi, 1993-1994 jyldary Ortalyq saılaý komıssııasynyń múshesi, 1994-1996 jyldary QR Prezıdent apparaty Uıymdastyrý-baqylaý basqarmasynyń konsýltanty, memlekettik ınspektory, 1996-2016 jyldary QR Parlamenti Senaty apparatynyń Uıymdastyrý, Uıymdastyrý-kadr jumysy, Uıymdastyrý-taldaý jumysy, Ákimshilik bólimderiniń meńgerýshisi, Saraptama bólimi meńgerýshisiniń orynbasary, Aqparattyq-taldaý bóliminiń bas konsýltanty, meńgerýshi orynbasary bolyp qyzmet istegen. 2016-2017 jyldary – QR Parlamenti Senaty apparaty basshysynyń orynbasary bolǵan. 2019 jyldyń qyrkúıek aıynan beri qazirgi qyzmetinde.

«Eren eńbegi úshin», «MPA SNG. 20 let» medaldarimen, UQShU PA Qurmet gramotasymen marapattalǵan.

63 jyl buryn (1959) QR Parlamenti Senatynyń depýtaty, Konstıtýtsııalyq zańnama, sot júıesi jáne quqyq qorǵaý organdary komıtetiniń múshesi Rysqalı Qalıaqbaruly ÁBDІKEROV dúnıege keldi.

Qaraǵandy oblysynda týǵan. Qaraǵandy memlekettik ýnıversıtetin, Jalpyodaqtyq Lenındik kommýnıstik jastar odaǵynyń Ortalyq komıteti janyndaǵy Joǵarǵy komsomol mektebin, Almaty saıasattaný jáne basqarý ınstıtýtyn, Jezqazǵan agrotehnıkalyq kolledjin bitirgen. Tarıhshy, tarıh jáne qoǵamtaný pániniń muǵalimi, saıasattanýshy, tehnolog. Qaraǵandy oblysy Aqtoǵaı, Ulytaý, Osakarov, Shet aýdandarynyń ákimi, Qaraǵandy qalasy ákiminiń orynbasary, Qaraǵandy oblysy ákiminiń orynbasary, Qaraǵandy oblystyq máslıhatynyń hatshysy bolyp qyzmet atqardy.

2017 jyldyń maýsym aıynan qazirgi qyzmetinde.

59 jyl buryn (1963) QR Ortalyq saılaý komıssııasynyń múshesi Shavkat Ánesuly ÓTEMІSOV dúnıege keldi.

Batys Qazaqstan oblysy Aqjaıyq aýdanynyń Chapaev aýylynda týǵan. A.S. Pýshkın atyndaǵy Oral pedagogıkalyq ınstıtýtyn, Qazaqstan Respýblıkasy Prezıdenti janyndaǵy Memlekettik qyzmet akademııasyn bitirgen.

Instıtýt bitirgennen keıin Oral oblysynyń Chapaev aýylyndaǵy № 1 orta mektepte tarıh pániniń muǵalimi bolyp jumys istegen. 1985-1987 jyldary – Sovet áskeri qatarynda qyzmet ótkerdi. 1985-1992 jyldary – Qazaqstan LKJO Chapaev aýdandyq komıtetiniń nusqaýshysy, komsomol uıymdary bóliminiń meńgerýshisi, Qazaqstan LKJO Oral oblystyq komıtetiniń nusqaýshysy, uıymdastyrý bóliminiń meńgerýshisi, hatshysy, ekinshi hatshysy. 1992-1994 jyldary – Oral oblystyq ákimshiliginiń Jastar isteri jónindegi komıtetiniń tóraǵasy. 1994-1998 jyldary – Batys Qazaqstan oblysy Jastar isteri, týrızm jáne sport jónindegi basqarma bastyǵy. 1998-2000 jyldary – Batys Qazaqstan oblysy Týrızm jáne sport basqarmasynyń bastyǵy. 2000-2001 jyldary – Batys Qazaqstan oblystyq teleradıokompanııasynyń tóraǵasy. 2001-2002 jyldary – Batys Qazaqstan oblysy ákiminiń orynbasary. 2002-2006 jyldary – Batys Qazaqstan oblysy Aqjaıyq aýdanynyń ákimi. 2006-2007 jyldary – Batys Qazaqstan oblysy ákiminiń orynbasary. 2007-2011 jyldary – tórtinshi saılanǵan Qazaqstan Respýblıkasy Parlamenti Májilisiniń depýtaty. 2012-2016 jyldary besinshi saılanǵan Qazaqstan Respýblıkasy Parlamenti Májilisiniń depýtaty. 2016-2021 jyldary – altynshy saılanǵan Qazaqstan Respýblıkasy Parlamenti Májilisiniń depýtaty, Ekologııa máseleleri jáne tabıǵat paıdalaný komıtetiniń múshesi. 2021-2022 jyldary – QR Ekologııa, geologııa jáne tabıǵı resýrstar mınıstrligi apparatynyń basshysy.

Qazirgi qyzmetinde 2022 jyldyń aqpanynan.

«Qurmet» ordenimen marapattalǵan.

58 jyl buryn (1964) QR Parlamenti Senatynyń depýtaty, Konstıtýtsııalyq zańnama, sot júıesi jáne quqyq qorǵaý organdary komıtetiniń múshesi Nurlan Qudııaruly BEKNAZAROV dúnıege keldi.

Shymkent qalasynda týǵan. Shymkent polıtehnıkalyq tehnıkýmyn, Almaty halyq sharýashylyǵy ınstıtýtyn, M. Áýezov atyndaǵy Ońtústik Qazaqstan memlekettik ýnıversıtetin, Shymkent ýnıversıtetin bitirgen. Tehnık-qurylysshy, ınjener-ekonomıst, ekonomıst-fınansıst, zańger.

Eńbek jolyn 1984 jyly «Oktıabrge 50 jyl» ortalyq stadıonynyń jumysshysy bolyp bastaǵan. 1985-1986 jyldary «Oktıabr» orta mektebi dırektorynyń orynbasary, 1986-1992 jyldary Q. Muńaıtpasov atyndaǵy ortalyq stadıonnyń ádiskeri, ınjeneri, bas ınjeneri, basshy orynbasary, basshysy bolyp jumys istegen. 1993 jyldan bastap Ońtústik Qazaqstan memlekettik saqtandyrý fırmasy bas dırektorynyń birinshi orynbasary, 1996-2003 jyldary «Senim» JAQ, «Sanur» JShS, «Transoıl» AQ fılıaldary dırektorynyń orynbasary. 1999 jyldan bastap 5 ret Shymkent qalalyq máslıhatyna II, III, IV, V, VІ shaqyrylymdarǵa depýtat bolyp saılandy. 2003-2008 jyldary Shymkent qalalyq máslıhatynyń 2 shaqyrylymynda tekserý komıssııasynyń tóraǵasy. 2011-2018 jyldary Shymkent qalalyq máslıhatynyń hatshysy bolyp saılandy.

Qazirgi qyzmetinde 2018 jyldyń qazanynan.

58 jyl buryn (1964) Almaty oblysy ákiminiń orynbasary Álibek Áskerbekuly JAQANBAEV dúnıege keldi.

Taldyqorǵan (qazirgi – Jetisý) oblysynda týǵan. Qazaq aýyl sharýashylyǵy ınstıtýtyn bitirgen.

Eńbek jolyn 1981 jyly Alakól aýdany, «Levoberejnyı» sovhozynyń jumysshysy bolyp bastaǵan. 1988 jyly Semeı qalasyndaǵy «Zelenstroı» sharýashylyq eseptegi ýchaskeni kógaldandyrý bóliminiń agronomy. Keıin Alakól aýdany Úsharal qalasynyń Alakól mehanıkalyq orman sharýashylyǵynyń jumysshysy, tseh sheberi, ınjeneri, Alakól orman sharýashylyǵynyń ormanshysy, bas ormanshysy, «Qaratal ormany» RMK Alakól fılıalynyń dırektory, «Taldyqorǵan aǵashtary» Alakól fılıalynyń dırektory, «Alakól orman sharýashylyǵy» memlekettik mekemesiniń orynbasary, keıin dırektory qyzmetterin atqarǵan.

Ár jyldary Sarqan, Alakól jáne Eńbekshiqazaq aýdandarynyń ákimi boldy.

Qazirgi qyzmetinde 2022 jyldyń aqpan aıynan.

56 jyl buryn (1966) QR Aýyl sharýashylyǵy birinshi vıtse-mınıstri Aıdarbek Seıpeluly SAPAROV dúnıege keldi.

Soltústik Qazaqstan oblysy Býlaev aýdany Krasnyı celosynda dúnıege kelgen. 2006 jyly Manash Qozybaev atyndaǵy Soltústik Qazaqstan memlekettik ýnıversıtetin támamdaǵan. Zooınjener, memlekettik basqarý bakalavry mamandyqtaryna ıe.

Instıtýtty aıaqtaǵan soń Býlaev aýdanynyń aýyl sharýashylyǵy kásiporyndarynda mamandyǵy boıynsha jumys istegen. 1995-2003 jyldary – Soltústik Qazaqstan oblysy Petropavl qalasyndaǵy «Noǵaıbaı» JShS dırektory, bas dırektory. 2003-2005 jyldary – «Prodkorporatsııa» AQ Soltústik Qazaqstan oblystyq ókildigi dırektorynyń orynbasary. 2005-2006 jyldary – «Prodkorporatsııa» AQ Soltústik Qazaqstan oblystyq ókildigi dırektorynyń birinshi orynbasary, Petropavl qalasy boıynsha Qazaqstan Respýblıkasynyń Aýyl sharýashylyǵy mınıstrligi oblystyq aýmaqtyq ınspektsııasynyń bastyǵy. 2006-2008 jyldary – Soltústik Qazaqstan oblysy Shal aqyn aýdanynyń ákimi. 2008 jyldyń naýryz aıynan 2010 jyldyń sáýirine deıin Soltústik Qazaqstan oblysy Maǵjan Jumabaev aýdanynyń ákimi. 2010 jyldyń sáýir aıynan 2011 jyldyń qyrkúıegine deıin Soltústik Qazaqstan oblysy ákiminiń aýyl sharýashylyǵy jónindegi orynbasary. 2011 jyldyń qyrkúıeginen Soltústik Qazaqstan oblysy ákiminiń birinshi orynbasary.

Qazirgi qyzmetinde 2019 jyldyń naýryzynan.

«Qurmet» ordenimen (2008 j.), «Astanaǵa 10 jyl» mereıtoılyq medalimen (2008 j.) marapattalǵan.

56 jyl buryn (1966) QR Áskerı sotynyń azamattyq ister jónindegi sot alqasynyń tóraǵasy Ǵalymjan Patshahanuly NÁSІRDINOV dúnıege keldi.

Shymkent (qazirgi – Túrkistan) oblysynda týǵan. Ál-Farabı atyndaǵy qazaq memlekettik ýnıversıtetin qazaq tili men ádebıeti muǵalimi mamandyǵy boıynsha, Halyqaralyq quqyq jáne naryq akademııasyn zańger mamandyǵy boıynsha bitirgen.

Eńbek joly: Shymkent qalasyndaǵy «Qanat» shaǵyn kásiporny dırektorynyń saýda jónindegi orynbasary (1993-1996); Almaty qalasy Halyqaralyq arbıtraj qaýymdastyǵynyń keńesshisi (1996-1997); Qoǵamdyq birlestikter jáne dinı uıymdar isteri basqarmasynyń bas mamany, QR Ádilet mınıstrligi azamattardyń ótinishterin qaraý jáne ishki ákimshilikti uıymdastyrý bóliminiń bas mamany (1997-2002); Qazaqstan Respýblıkasy Prezıdenti Ákimshiliginiń memlekettik-quqyqtyq bóliminiń konsýltanty (2002-2004); Aqmola oblysy Astrahan aýdandyq sotynyń tóraǵasy (2004-2008); Aqmola oblysy Tselınograd aýdandyq sotynyń tóraǵasy (2008-2013); Astana qalasy Almaty aýdandyq sotynyń tóraǵasy (2013-2017); Astana qalasy Saryarqa aýdany № 2 aýdandyq sotynyń tóraǵasy (2017-2020).

Qazirgi qyzmetin 2020 jyldyń qazan aıynan bastap atqarady.