12 maýsym kúni respýblıkanyń keı aımaqtarynda naızaǵaı oınap, burshaq jaýady
ASTANA. QazAqparat - 12 maýsym kúni Qazaqstan terrıtorııasynyń basym bóliginde atmosferalyq frontaldy bólikterdiń ótýine baılanysty jańbyr, naızaǵaı, jel kúsheıýi saqtalady, soltústikte jáne shyǵysta kúndiz burshaq bolýy yqtımal.
Tek Respýblıkanyń batysynda, soltústik-batysynda jáne ońtústik-shyǵysynda aýa raıy jaýyn-shashynsyz bolady. Aqmola, Batys Qazaqstan, Qostanaı, Soltústik Qazaqstan, Pavlodar, Shyǵys Qazaqstan, kúndiz Qaraǵandy oblystarynyń keı jerlerinde naızaǵaı kútiledi, jel 15-20 m/s kúsheıedi, Soltústik Qazaqstan, kúndiz Shyǵys Qazaqstan oblystarynda burshaq bolýy yqtımal.
Qyzylorda, túnde Mańǵystaý oblystarynyń keı jerlerinde naızaǵaı kútiledi. Almaty, Jambyl, Ońtústik Qazaqstan keı jerlerinde qatty ystyq saqtalady.
