12 maýsym kúngi aýa raıy boljamy
NUR-SULTAN. QazAqparat – Qazgıdromet 12 maýsymǵa arnalǵan aýa raıy boljamyn jarııalady, dep habarlaıdy QazAqparat.
Jumada Qazaqstannyń basym bóliginde aýa aǵyndary bólikterdiń ótýine baılanysty aýa raıy qubylmaly bolady, keı jerlerde kún kúrkirep, ótkinshi jańbyr jaýady, tek respýblıkanyń ońtústiginde, batysynda, soltústik shyǵysynda kún ashyq. Keı jerlerde jeldiń kúsheıýi kútiledi, ońtústikte shańdy daýyl turady.
Qaraǵandy oblysynyń ońtústik shyǵysynda, kúndiz Aqmola, Qostanaı, Soltústik Qazaqstan, Qyzylorda, Túrkistan oblystarynyń keı jerlerinde jel 15-20 m/s kúsheıedi.
Qyzylorda oblysynda shańdy daýyl turýy yqtımal.
Aqmola, Aqtóbe, Qostanaı, Atyraý, Qyzylorda oblystarynda, Soltústik Qazaqstan, Batys Qazaqstan, Manǵystaý oblystarynyń ońtústiginde qatty ystyq kútiledi.
Qyzylorda, Atyraý oblystarynda, Aqmola, Pavlodar, Aqtóbe, Qaraǵandy, Jambyl, Túrkistan oblystarynyń basym bóliginde, Almaty oblysynyń soltústik batysynda, Shyǵys Qazaqstan, Batys Qazaqstan oblystarynyń ońtústiginde óte joǵary órt qaýpi saqtalady.
