12 maýsym. Kazinform kúntizbesi. Tulǵalar týǵan kún

ESІMDER

63jyl buryn (1963) QR Ortalyq saılaý komıssııasynyń hatshysy Shavkat Ánesuly ÓTEMІSOV dúnıege keldi.

Batys Qazaqstan oblysy Aqjaıyq aýdanynyń Chapaev aýylynda týǵan. A. S. Pýshkın atyndaǵy Oral pedagogıkalyq ınstıtýtyn, Qazaqstan Respýblıkasy Prezıdenti janyndaǵy Memlekettik qyzmet akademııasyn bitirgen.

Instıtýt bitirgennen keıin Oral oblysynyń Chapaev aýylyndaǵy № 1 orta mektepte tarıh pániniń muǵalimi bolyp jumys istegen. 1985-1987 jyldary Sovet áskeri qatarynda qyzmet ótkerdi. 1985-1992 jyldary Qazaqstan LKJO Chapaev aýdandyq komıtetiniń nusqaýshysy, komsomol uıymdary bóliminiń meńgerýshisi, Qazaqstan LKJO Oral oblystyq komıtetiniń nusqaýshysy, uıymdastyrý bóliminiń meńgerýshisi, hatshysy, ekinshi hatshysy, 1992-1994 jyldary Oral oblystyq ákimshiliginiń Jastar isteri jónindegi komıtetiniń tóraǵasy, 1994-1998 jyldary Batys Qazaqstan oblysy Jastar isteri, týrızm jáne sport jónindegi basqarma bastyǵy, 1998-2000 jyldary Batys Qazaqstan oblysy Týrızm jáne sport basqarmasynyń bastyǵy qyzmetinde boldy. 2000-2001 jyldary Batys Qazaqstan oblystyq teleradıokompanııasynyń tóraǵasy, 2001-2002 jyldary Batys Qazaqstan oblysy ákiminiń orynbasary, 2002-2006 jyldary Batys Qazaqstan oblysy Aqjaıyq aýdanynyń ákimi, 2006-2007 jyldary Batys Qazaqstan oblysy ákiminiń orynbasary, 2007-2011 jyldary tórtinshi saılanǵan QR Parlamenti Májilisiniń depýtaty, 2012-2016 jyldary besinshi saılanǵan QR Parlamenti Májilisiniń depýtaty, 2016-2021 jyldary altynshy saılanǵan QR Parlamenti Májilisiniń depýtaty, Ekologııa máseleleri jáne tabıǵat paıdalaný komıtetiniń múshesi, 2021-2022 jyldary QR Ekologııa, geologııa jáne tabıǵı resýrstar mınıstrligi apparatynyń basshysy laýazymyn atqarǵan. 2022-2024 jyldary QR OSK múshesi boldy.

2024 jyldyń qarasha aıynan bastap qazirgi qyzmetinde.

«Qurmet» ordenimen marapattalǵan.

62 jyl buryn (1964) QR Parlamenti Senatynyń depýtaty, Konstıtýtsııalyq zańnama, sot júıesi jáne quqyq qorǵaý organdary komıtetiniń tóraǵasy Nurlan Qudııaruly BEKNAZAROV dúnıege keldi.

Shymkent qalasynda týǵan. Shymkent polıtehnıkalyq tehnıkýmyn, Almaty halyq sharýashylyǵy ınstıtýtyn, M. Áýezov atyndaǵy Ońtústik Qazaqstan memlekettik ýnıversıtetin, Shymkent ýnıversıtetin bitirgen. Tehnık-qurylysshy, ınjener-ekonomıst, ekonomıst-qarjyger, zańger.

Eńbek jolyn 1984 jyly «Oktıabrge 50 jyl» ortalyq stadıonynyń jumysshysy bolyp bastaǵan. 1985-1986 jyldary «Oktıabr» orta mektebi dırektorynyń orynbasary, 1986-1992 jyldary Q. Muńaıtpasov atyndaǵy ortalyq stadıonnyń ádiskeri, ınjeneri, bas ınjeneri, basshy orynbasary, basshysy bolyp jumys istegen. 1993 jyldan bastap Ońtústik Qazaqstan memlekettik saqtandyrý fırmasy bas dırektorynyń birinshi orynbasary, 1996-2003 jyldary «Senim» JAQ, «Sanur» JShS, «Transoıl» AQ fılıaldary dırektorynyń orynbasary. 1999 jyldan bastap 5 ret Shymkent qalalyq máslıhatyna II, III, IV, V, VІ shaqyrylymdarǵa depýtat bolyp saılandy. 2003-2008 jyldary Shymkent qalalyq máslıhatynyń 2 shaqyrylymynda tekserý komıssııasynyń tóraǵasy, 2011-2018 jyldary Shymkent qalalyq máslıhatynyń hatshysy bolyp saılandy. 2018 jáne 2023 jyldary QR Parlamenti Senatynyń depýtaty bolyp eki ret saılandy.

Qazirgi laýazymyn 2023 jyldyń qyrkúıeginen beri atqaryp keledi.

60 jyl buryn (1966) Qazaqstan Respýblıkasy Aýyl sharýashylyǵy mınıstri Aıdarbek Seıpeluly SAPAROV dúnıege keldi.

Soltústik Qazaqstan oblysy Býlaev aýdany Krasnyı aýylynda dúnıege kelgen. 2006 jyly Manash Qozybaev atyndaǵy Soltústik Qazaqstan memlekettik ýnıversıtetin támamdaǵan. Zooınjener, memlekettik basqarý bakalavry mamandyqtaryna ıe.

Instıtýtty aıaqtaǵan soń Býlaev aýdanynyń aýyl sharýashylyǵy kásiporyndarynda mamandyǵy boıynsha jumys istegen. 1995-2003 jyldary Soltústik Qazaqstan oblysy Petropavl qalasyndaǵy «Noǵaıbaı» JShS dırektory, bas dırektory, 2003-2005 jyldary «Prodkorporatsııa» AQ Soltústik Qazaqstan oblystyq ókildigi dırektorynyń orynbasary, 2005-2006 jyldary «Prodkorporatsııa» AQ Soltústik Qazaqstan oblystyq ókildigi dırektorynyń birinshi orynbasary, Petropavl qalasy boıynsha QR Aýyl sharýashylyǵy mınıstrligi oblystyq aýmaqtyq ınspektsııasynyń bastyǵy, 2006-2008 jyldary Soltústik Qazaqstan oblysy Shal aqyn aýdanynyń ákimi, 2008-2010 jyldary Soltústik Qazaqstan oblysy Maǵjan Jumabaev aýdanynyń ákimi, 2010-2011 jyldary Soltústik Qazaqstan oblysy ákiminiń aýyl sharýashylyǵy jónindegi orynbasary, 2011-2019 jyldary Soltústik Qazaqstan oblysy ákiminiń birinshi orynbasary, 2019-2022 jyldary QR Aýyl sharýashylyǵy birinshi vıtse-mınıstri, 2022-2023 jyldary Soltústik Qazaqstan oblysynyń ákimi bolyp qyzmet atqardy.

2023 jyldyń qyrkúıek aıynan beri qazirgi qyzmetinde.

«Qurmet» (2008), «Parasat» ordenderimen marapattalǵan.

60 jyl buryn (1966) Qazaqstan Respýblıkasy Áskerı sotynyń tóraǵasy Ǵalymjan Patshahanuly NÁSІRDINOV dúnıege keldi.

Shymkent (qazirgi — Túrkistan) oblysynda týǵan. Ál-Farabı atyndaǵy qazaq memlekettik ýnıversıtetin qazaq tili men ádebıeti muǵalimi mamandyǵy boıynsha, Halyqaralyq quqyq jáne naryq akademııasyn zańger mamandyǵy boıynsha bitirgen.

Eńbek joly: 1993-1996 jyldary Shymkent qalasyndaǵy «Qanat» shaǵyn kásiporny dırektorynyń saýda jónindegi orynbasary, 1996-1997 jyldary Almaty qalasy Halyqaralyq arbıtraj qaýymdastyǵynyń keńesshisi, 1997-2002 jyldary Qoǵamdyq birlestikter jáne dinı uıymdar isteri basqarmasynyń bas mamany, QR Ádilet mınıstrligi azamattardyń ótinishterin qaraý jáne ishki ákimshilikti uıymdastyrý bóliminiń bas mamany, 2002-2004 jyldary QR Prezıdenti Ákimshiliginiń memlekettik-quqyqtyq bóliminiń konsýltanty qyzmetinde boldy. 2004-2008 jyldary Aqmola oblysy Astrahan aýdandyq sotynyń tóraǵasy, 2008-2013 jyldary Aqmola oblysy Tselınograd aýdandyq sotynyń tóraǵasy, 2013-2017 jyldary Astana qalasy Almaty aýdandyq sotynyń tóraǵasy, 2017-2020 jyldary Astana qalasy Saryarqa aýdany № 2 aýdandyq sotynyń tóraǵasy, 2020-2024 jyldary QR Áskerı sotynyń azamattyq ister jónindegi sot alqasynyń tóraǵasy laýazymyn atqarǵan.

2024 jyldyń sáýir aıynan bastap qazirgi qyzmetinde.

60 jyl buryn (1966) QR Parlamenti Májilisiniń depýtaty Marat Sovetuly BAShIMOV dúnıege keldi.

Óskemende týǵan. 1991 jyly M. V. Lomonosov atyndaǵy Máskeý memlekettik ýnıversıtetin, 1997 jyly M. V. Lomonosov atyndaǵy Máskeý memlekettik ýnıversıtetin bitirgen.

Eńbek joly: 1995-1998 jyldary Reseı Ǵylym akademııasynyń Memleket jáne quqyq Instıtýtynyń konstıtýtsııalyq quqyq teorııasy sektorynyń aǵa ǵylymı qyzmetkeri, 1999-2001 jyldary dotsent, L. N. Gýmılev atyndaǵy Eýrazııa ulttyq ýnıversıtetiniń Memleket jáne quqyq teorııasy men tarıhy kafedrasynyń meńgerýshisi, 2001-2002 jyldary Parlament Senaty apparatynda komıtet hatshylyǵynyń meńgerýshisi, 2004 jyly Taýlar zań ınstıtýtynyń dotsenti, QR BǴM ákimshilik-quqyqtyq departamentiniń dırektory, QR Prezıdenti Ákimshiliginiń sektor meńgerýshisi, 2002 jyldan bastap «Eýropalyq quqyq jáne adam quqyqtary ınstıtýty» JQ dırektory, 2006 jyly «Adam jáne Zań» Respýblıkalyq quqyqtyq gazetiniń bas redaktory, 2010-2011 jyldary Qarjy polıtsııasy akademııasynyń bastyǵy, 2022 jyly QR Sybaılas jemqorlyqqa qarsy is-qımyl agenttiginiń Qoǵamdyq keńesiniń tóraǵasy bolyp qyzmet etti.

2023 jyldyń naýryz aıynan bastap qazirgi qyzmetinde.

55 jyl buryn (1971) Sport ombýdsmeni — Qazaqstan Respýblıkasy Týrızm jáne sport mınıstriniń shtattan tys keńesshisi Islam BAIRAMÝKOV dúnıege keldi.

Jambyl oblysy, Turar Rysqulov aýdany, Kamenka aýylynda týǵan.

1989-1993 jyldary Qazaq memlekettik dene shynyqtyrý ınstıtýtynda, 2001-2003 jyldary Qazaq ulttyq ýnıversıtetinde, 2003-2005 jyldary Máskeý memlekettik áleýmettik-gýmanıtarlyq ýnıversıtetinde bilim alǵan.

Grek-rım kúresinen Sıdneı Olımpıadasynda kúmis júldegeri. Eki dúrkin Azııa Kýbogynyń ıegeri. 2000 jyly Azııa chempıony, erki márte Shyǵys Azııa oıyndarynyń chempıony, birneshe dúrkin el chempıony atanǵan.

1993-2004 jyldary RMK «Ulttyq qurama komandalar jáne sporttyq rezerv dırektsııasy» sportshy-nusqaýshysy, 2005 jyly 160 km qashyqtyqqa shabandoz jarystarynan Dýbaıda (BAÁ) ótken jarysta Qazaqstan quramasynyń basshysy, 1996, 2000, 2004 jyldary) úsh Olımpıada oıyndarynyń qatysýshysy, 2010 jyly QR erkin kúres federatsııasy prezıdentiniń keńesshisi, 2021-2024 jyldary QR Mádenıet jáne sport mınıstriniń shtattan tys sport jónindegi keńesshisi — sport ombýdsmeni, 2024 jyly Almaty qalasyndaǵy RMK «Respýblıkalyq sport kolledji» dırektory laýazymyn atqarǵan.

2024 jyldan beri qazirgi qyzmetinde.

Qazaqstan Respýblıkasynyń eńbek sińirgen sport sheberi, 2000 jyly «Parasat» ordenimen marapattalǵan, «QR Táýelsizdigine 10 jyl» medaliniń ıegeri.

52 jyl buryn (1974) Qonaev qalasy ákiminiń orynbasary Marat Faızullauly TURSYN dúnıege keldi.

Ońtústik Qazaqstan oblysy Shymkent qalasynda týǵan. 1997 jyly R.A.H.ıAsaýı atyndaǵy Halyqaralyq qazaq-túrik ýnıversıtetin zańger mamandyǵy boıynsha bitirgen.

Eńbek jolyn 1993 jyldan «Maratjan» sharýa qojalyǵynyń bastyǵynyń orynbasary bolyp bastaǵan. Ár jyldary Shymkent qalasynyń sot oryndaýshysy, prokýror, Almaty oblysy, Taldyqorǵan qalasy ishki ister organdarynda kadr jumysy bóliminiń ınspektory, Taldyqorǵan qalasy boıynsha qarjy polıtsııasy basqarmasynyń bastyǵy, Taldyqorǵan qalasy boıynsha departamentiniń basshysy, Sybaılas jemqorlyqqa qarsy is-qımyl agenttiginiń Almaty qalasy boıynsha asa mańyzdy ister boıynsha qyzmetkeri laýazymdaryn atqarǵan. 2024-2025 jyldary Qonaev qalasy ákimi apparatynyń basshysy boldy.

Qazirgi laýazymyn 2025 jyldyń qarashasynan bastap atqaryp keledi.

43 jyl buryn (1977) Batys Qazaqstan memlekettik múlik jáne jekeshelendirý departamentiniń basshysy Medet Madenuly ABIEV dúnıege keldi.

Aqtóbe oblysy, Temir aýdany, Qumqudyq aýlynda týǵan. Bilimi boıynsha ekonomıst, zańger. Aqtóbe qalasyndaǵy Qudaıbergen Jubanov atyndaǵy Aqtóbe memlekettik ýnıversıtetin «Áleýmettik saladaǵy ekonomıka jáne menedjment» mamandyǵy boıynsha jáne Aqtóbe qalasyndaǵy Qazaq-orys halyqaralyq ýnıversıtetin «Quqyq» mamandyǵy boıynsha bitirgen.

Eńbek jolyn 2004 jyly Aqtóbe qalasynda QR Qarjy mınıstrligi Memlekettik múlik jáne jekeshelendirý komıtetiniń Aqtóbe aýmaqtyq memlekettik múlik jáne jekeshelendirý komıtetinde bas maman laýazymynda bastaǵan.2004-2025 jyldary QR Qarjy mınıstrligi Memlekettik múlik jáne jekeshelendirý komıtetiniń Aqtóbe memlekettik múlik jáne jekeshelendirý departamentinde bas maman, bólim basshysy jáne Departament basshysynyń orynbasary qyzmetterin atqarǵan. 2025-2026 jyldary QR Qarjy mınıstrligi Memlekettik múlik jáne jekeshelendirý komıtetiniń Ulytaý oblysy boıynsha memlekettik múlik jáne jekeshelendirý departamentiniń basshysy qyzmetin atqarǵan.

Qazirgi laýazymyn 2026 jyldyń mamyr aıynan beri atqaryp keledi.