12 mamyr kúngi aýa raıy boljamy
NUR-SULTAN. QazAqparat – 12 mamyr kúni Qazaqstannyń basym bóliginde qubylmaly kún raıy saqtalady. Keı jerlerde jańbyr jaýady. Tek ońtústik-shyǵys jáne soltústik-shyǵysta jaýyn-shashynsyz aýa raıy kútiledi. Jekelegen óńirlerde ekpindi jel, daýyl, tuman, naızaǵaı, burshaq boljanady, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Qostanaı oblysynyń keı jerlerinde daýyl, tuman kútiledi, kúndiz burshaq jaýýy yqtımal.
Túrkistan oblysynyń tańerteń jáne kúndiz keı jerlerinde daýyl turyp, jel kúsheıýi múmkin.
Atyraý oblysynda, tańerteń jáne kúndiz Qyzylorda oblysynda, kúndiz Aqtóbe, Batys Qazaqstan, Shyǵys Qazaqstan oblystarynyń keı jerlerinde jeldiń kúshi 15-20 m/s artady. Batys Qazaqstan oblysynda burshaq jaýýy yqtımal.
Qaraǵandy, Soltústik Qazaqstan oblystarynyń túnde jáne tańerteń keı jerlerinde tuman kútiledi.
