12 qyrkúıekte Senat depýtattyǵyna úmitkerler úgit-nasıhat jumystaryna kirisedi
ASTANA. QazAqparat - 12 qyrkúıekten bastap QR Parlamenti Senatynyń depýtattyǵyna tirkelgen barlyq úmitkerler saılaýaldy úgit-nasıhat jumystaryna kirise alady. Bul týraly búgin Ortalyq saılaý komıssııasynda ótken brıfıngte komıssııanyń baspasóz hatshysy Venera Jeksembekova aıtty.
«Senat depýtattyǵyna úmitkerlerdi tirkeý 11 qyrkúıekke deıin jalǵasady, al 12 qyrkúıekten bastap barlyq tirkelgen úmitkerler saılaýaldy úgit-nasıhat jumystaryna kirise alady», - dedi ol.
Aıta keteıik, QR Parlamenti Senatynyń depýtattyǵyna úmitkerlerdi usyný 31 tamyzda aıaqtalǵan bolatyn. 2 qyrkúıektegi jaǵdaı boıynsha barlyq usynylǵan 88 úmitkerdiń 59-y oblystar jáne Astana men Almaty qalalaryndaǵy saılaý komıssııalarynan tirkeýden ótti. Usyný qorytyndylary boıynsha senatorlyq bir mandatqa 5 úmitkerden kelip otyr.
