12 qyrkúıekte Qazaqstanda ótetin mańyzdy sharalarǵa sholý

ASTANA

9.30-da EKSPO pavılonyndaǵy Astana Hub tehnoparkinde qazaqtildi BAQ-ty damytý men «Tsıfrlyq Qazaqstan» baǵdarlamasyn nasıhattaý aıasynda oqytý semınary ótedi.

14:50-de QR Qarjy mınıstrligi Memlekettik kirister komıteti janynan qurylǵan Qoǵamdyq baqylaý toby bıznes-protsesterge qolaıly orta týǵyzý men sybaılas jemqorlyq qaýpin azaıtý maqsatynda brıfıng ótkizedi.

15:00-de Memlekettik qyzmet isteri jáne sybaılas jemqorlyqqa qarsy is-qımyl agenttiginiń Sybaılas jemqorlyqqa qarsy Ulttyq bıýrosynda brıfıng ótedi. Sybaılas jemqorlyqqa qarsy medıaortalyqtyń basshysy Tólegen Baıǵulov «Sybaılas jemqorlyqqa qarsy maıdan» jobasynyń nátıjeleri men «Sybaılas jemqorlyqqa qarsy jıyrmalyq» koalıtsııasyn qurý týraly baıandaıdy.

ALMATY

10:30-da Tótenshe jaǵdaılar men tabıǵı apattardyń qaýpin tómendetý ortalyǵynda QR Іshki ister mınıstriniń orynbasary ıÝrıı Ilınniń tóraǵalyǵymen Ujymdyq qaýipsizdik sharty uıymyna múshe memleketterdiń tótenshe jaǵdaılar jónindegi úılestirý keńesiniń on birinshi otyrysy ótedi.

11:00-de «Turan» ýnıversıtetiniń májilis zalynda III Baikonyr Short Film Festival sharasyna arnalǵan baspasóz máslıhaty ótedi. Festıval 20-23 qyrkúıek kúnderi Almatyda uıymdastyrylady.

15:00-de qalalyq meıramhanalar arasynda «Úzdik alma máziri» konkýrsynyń jartylaı fınaly ótedi.

19:00-de Respýblıkalyq saraı aldyndaǵy alańda orkestrlerdiń 9-shy mýzykalyq festıvali ótedi.

ShYMKENT

9:45-te Shymkenttegi «Qazaqstan halqy Assambleıasy» ǵımaratynda QR Prezıdentiniń janyndaǵy memlekettik basqarý akademııasy men Qazaqstan halqy Assambleıasynyń uıymdastyrýymen «Qazaqstan óńirlerinde qoǵamdyq kelisim men jalpyulttyq birlik salasyndaǵy memlekettik saıasatty júzege asyrý» taqyrybynda aımaqtyq úsh kúndik semınar-trenıng bastalady.

10:00-de oblystyq balalar aýrýhanasynda tegin medıtsınalyq kómek kórsetýdiń jańa modelin túsindirý jáne Mindetti áleýmettik saqtandyrý júıesi jaıly jańa aqparattar beriledi.