12 qyrkúıek. Týǵan kún ıeleri
ESІMDER
109 jyl buryn (1909-1976) Qazaqstannyń tuńǵysh sáýletshisi, Qazaqstannyń eńbek sińirgen qurylysshysy, KSRO Sáýlet akademııasynyń korrespondent múshesi BÁSENOV Tóleý Qulqamanuly dúnıege keldi.
Aqtóbe oblysy Shalqar aýdanynda týǵan. Sankt-Peterbýrg azamattyq-ınjenerler ınstıtýtyn bitirgen.
Básenov Qazaqstanda qazirgi arhıtektýra mektebiniń negizin salyp, Sáýletshiler odaǵyn uıymdastyrýshylardyń, sáýlet salasyndaǵy alǵashqy ǵalym-pedagogtardyń biri. 1933-1937 jyldary Jambylda, Almatyda, Qyrǵyzstanda qyzmetter atqardy. 1937-1941 jyldary - Almaty qalasynyń bas sáýletshisi. 1944-1954 jyldary - Qazaq KSR Mınıstrligi Keńesi janyndaǵy sáýlet basqarmasynyń bastyǵy. 1958-1976 jyldary Qurylys isteri jónindegi memlekettik komıteti tóraǵasynyń orynbasary qyzmetterin atqarǵan. Básenov Almaty qalasynyń bas josparyn, Máskeýdegi halyq sharýashylyǵy jetistikteri kórmesindegi Qazaqstan pavılonyn, Almatydaǵy Dostyq dańǵylynyń bas jobasyn, Almaty áýejaıynyń birinshi keshenin, Qazaq opera jáne balet teatrynyń úıin, Amangeldi eskertkishiniń josparyn, turǵyn úılerdi jobalaý jumystaryn kásibı sheberlikpen oryndap shyqty. Batys Qazaqstan sáýlet eskertkishterin zerttep, Embi, Mańǵystaý, Ústirt aımaqtaryndaǵy memorıaldy-ǵuryptyq tarıhı qurylystardyń erekshelikterine ǵylymı taldaý jasady. Básenovtiń «Sam aımaǵyndaǵy arhıtektýralyq eskertkishter», «Qazaqstan arhıtektýrasyndaǵy órnekter», «Arhıtektýra jáne qala qurylysy», taǵy basqa eńbekteri jaryq kórgen. 1997 jyly Qazaq memlekettik sáýlet jáne qurylys akademııasynyń úzdik stýdentterine T.Básenov atyndaǵy dıplom taǵaıyndalǵan.
70 jyl buryn (1948) bıshi, Qazaqstannyń halyq ártisi, Sofııa qalasynda ótken Jastar men stýdentterdiń dúnıejúzilik festıvaliniń laýreaty TALPAQOVA Gúljan dúnıege keldi.
Atyraý qalasynda týǵan. Almaty estrada-tsırk óneri stýdııasyn Sh.Jıenqulovanyń halyq bıi klasy boıynsha bitirip, Máskeý estrada stýdııasynda taǵylymdamadan ótken. 1967 jyldan «Qazaqkontsertte», «Gúlder» ansamblinde qyzmet etken. Ol dúnıe júzi halyqtarynyń kópshiliginiń bılerin úırenip, qazaq sahnasyna shyǵarǵan. Onyń repertýarynda qazaqtyń «Aıjan qyz», «Qos alqa», «Almas qyrǵaýyl», ózbektiń «Horezm bıi» jáne uıǵyr, koreı, vetnam, mońǵol, úndi, mysyr, malaı halyqtarynyń ulttyq bıleri bar. Gastroldik saparmen Bolgarııada, Germanııada, Mońǵolııada, Ońtústik Shyǵys Azııa elderinde (Bırma, Malaızııa, Sıngapýr, Shrı Lanka), Úndistanda, Japonııada, Iranda, Taılandta, Fınlıandııada, AQSh-ta bolǵan.
62 jyl buryn (1956) QR Parlamenti Senaty Tóraǵasynyń orynbasary BEKNAZAROV Bektas Ábdihanuly dúnıege keldi.
Jambyl oblysynyń Jýaly aýdanynda týǵan. 1983 jyly - S.M. Kırov atyndaǵy Qazaq memlekettik ýnıversıtetin zańger-quqyqtanýshy mamandyǵy boıynsha bitirgen. 1978-1981 jyldary - Jambyl qalasyndaǵy Ortalyq aýdanynyń halyq sotynda sot oryndaýshysy. 1981-1984 jyldary - Jambyl oblysy ádilet bóliminiń konsýltanty, aǵa konsýltant. 1984-1990 jyldary - Jambyl oblysy Jýaly aýdandyq halyq sotynyń sýdıasy. 1990-1994 jyldary - Jambyl oblystyq sotynyń múshesi. 1994-1995 jyldary - Jambyl oblystyq soty tóraǵasynyń orynbasary. 1995-1997 jyldary - Jambyl oblystyq sotynyń qylmystyq ister jónindegi alqasynyń tóraǵasy. 1997-2000 jyldary - Jezqazǵan oblystyq sotynyń tóraǵasy, Almaty oblystyq sotynyń qylmystyq ister jónindegi alqasynyń tóraǵasy. 2000-2002 jj. - Qazaqstan Respýblıkasy Ádilet mınıstrliginiń Sottardyń qyzmetin uıymdastyrý departamentiniń dırektory, Qazaqstan Respýblıkasy Joǵarǵy Sotynyń sýdıasy. 2002-2006 jj. - Atyraý oblystyq sotynyń tóraǵasy. 2006-2009 jyldary - Almaty qalasyndaǵy mamandandyrylǵan qarjylyq sotynyń tóraǵasy. 2009-2011 jyldary - Aqtóbe oblystyq sotynyń tóraǵasy, 2011-2013 jyldary - QR Joǵarǵy sotynyń tóraǵasy qyzmetterin atqarǵan. 2014 jyldan - Senat depýtaty. Qazirgi qyzmetinde 2016 jyldyń qyrkúıek aıynan beri.
Merekelik medaldarmen, qurmet gramotalarymen marapattalǵan.
46 jyl buryn (1972) Almaty ekonomıka jáne statıstıka akademııasynyń rektory KORVıAKOV Valerıı Anatolevıch dúnıege keldi.
Aqtóbe qalasynda týǵan. Q. Jubanov atyndaǵy Aqtóbe pedagogıkalyq ınstıtýtynyń matematıka fakýltetin, matematıka jáne ınformatıka (1995); Almaty ekonomıka jáne statıstıka ınstıtýtyn, býhgalterlik esep jáne aýdıt (2002) mamandyqtary boıynsha bitirgen.
Eńbek joly: Qazaqstan Respýblıkasy Qarýly Kúshteriniń sapynda áskerı qyzmet (1995-1996); Aqtóbe qalasy Tabıǵı jáne tehnogendik tótenshe jaǵdaılardy eskertý bóliminiń bas mamany, Aqtóbe qalasy Ulttyq bank oblystyq fılıalynyń qaýipsizdik basqarmasynyń aǵa ınspektory (1996-1999); Almaty ekonomıka jáne statıstıka akademııasynyń fılıaly - Aqtóbe ekonomıka ınstıtýtynda ınformatıka oqytýshysy, ekonomıka fakýltetiniń dekany, oqý isteri jónindegi prorektor, rektor (1999-2008); Almaty qalasy JOO rektorlary Keńesiniń múshesi (2008 jyldan); Qazaqstan kásiptik bilim berý uıymdary qaýymdastyǵynyń prezıdenti (2010 jyldan).
Qazirgi qyzmetinde - 2008 jyldan.
34 jyl buryn (1984) VI shaqyrylymdaǵy QR Parlamenti Májilisiniń depýtaty, Ekonomıkalyq reforma jáne óńirlik damý komıtetiniń múshesi SAPAROVA Álııa Súıindikqyzy dúnıege keldi.
Qostanaı oblysynda týǵan. A. Baıtursynov atyndaǵy Qostanaı memlekettik ýnıversıtetin 2006 jyly «jýrnalıstıka» mamandyǵy boıynsha, 2010 jyly «zańger» mamandyǵy boıynsha bitirgen.
Eńbek joly: «Alaý-TV» JShS «Ómir aǵymy» baǵdarlamasynyń júrgizýshisi (2004-2006); A. Baıtursynov atyndaǵy Qostanaı memlekettik ýnıversıtetinde tárbıe isi jáne qoǵamdyq kelisim jónindegi prorektordyń orynbasary (2006-2009); tárbıe isi jáne qoǵamdyq kelisim isteri jónindegi prorektordyń mindetin atqarýshy (02.2009-11.2009); qoǵammen baılanys basqarmasynyń basshysy (QMÝ) (2009-2010); Lısakov qalasy ákiminiń áleýmettik máseleler jónindegi orynbasarynyń mindetin atqarýshy (01.2010-03.2010); Lısakov qalasy ákiminiń áleýmettik máseleler jónindegi orynbasary (2010-2012); Qostanaı oblysy ákimdiginiń jastar saıasaty máseleleri jónindegi basqarma basshysy (2012-2014); «Nur Otan» partııasy Qostanaı oblystyq fılıaly tóraǵasynyń birinshi orynbasary (2014 jyldan).
Qazirgi qyzmetin 2016 jyldyń naýryzynan bastap atqaryp keledi.