12 qyrkúıek. Kazinform kúntizbesi. Tulǵalar týǵan kún

Bektas Ábdihanuly BEKNAZAROV, memlekettik jáne qoǵam qaıratkeri

1956 jyly Jambyl oblysynda dúnıege kelgen. S. M. Kırov atyndaǵy Qazaq memlekettik ýnıversıtetin bitirgen, zańger (1983).

Eńbek jolyn Jambyl qalasynyń Ortalyq aýdandyq sotynyń sot oryndaýshysy bolyp bastaǵan. Ár jyldary Jambyl oblystyq atqarý komıtetiniń ádilet departamentiniń keńesshisi, aǵa keńesshisi, Jýaly aýdandyq sotynyń halyq sýdıasy, Jambyl oblystyq sotynyń qylmystyq ister jónindegi alqasynyń sýdıasy, tóraǵasy, Jezqazǵan oblystyq sotynyń tóraǵasy, Almaty oblystyq sotynyń qylmystyq ister jónindegi alqasynyń tóraǵasy, Qazaqstan Respýblıkasy Ádilet mınıstrliginiń sot qyzmetin uıymdastyrý departamentiniń dırektory, Qazaqstan Respýblıkasy Joǵarǵy Sotynyń sýdıasy, Atyraý, Aqtóbe oblystyq sotynyń tóraǵasy bolǵan. 2011-2013 jyldary Qazaqstan Respýblıkasy Joǵarǵy Sotynyń tóraǵasy. 2013-2014 jyldary Qazaqstan Respýblıkasy Prezıdenti janyndaǵy Joǵarǵy Sot keńesiniń tóraǵasy boldy.

Qazaqstan Respýblıkasy Parlamenti Senatynyń depýtaty, Konstıtýtsııalyq zańnama, sot júıesi jáne quqyq qorǵaý organdary komıtetiniń múshesi (08.2014-10.2014); Qazaqstan Respýblıkasy Parlamenti Senatynyń depýtaty, Reglament jáne parlamenttik etıka komıssııasynyń múshesi (2014-2016); Parlament Senaty tóraǵasynyń orynbasary (2016-2020); Qazaqstan Respýblıkasy Parlamenti Senaty janyndaǵy Senatorlar keńesiniń múshesi.

«Parasat» (2011), ІІІ dárejeli «Barys» (2016) ordenderimen; «Qazaqstan Konstıtýtsııasyna 10 jyl» (2005), «Astananyń 10 jyldyǵy» (2008) mereıtoılyq medaldarymen marapattalǵan.

Erbolat Baıuzaquly SAÝRYQOV, ǵalym, memleket qaıratkeri

1971 jyly Jambyl oblysy, Moıynqum aýdanynyń Fýrmanovka aýylynda dúnıege kelgen. Jambyl pedagogıkalyq ınstıtýtyn qazaq tili men ádebıeti (1994); Taraz ınnovatsııalyq-gýmanıtarlyq ýnıversıtetin memlekettik jáne jergilikti basqarý (2011) mamandyǵy boıynsha bitirgen. Fılologııa ǵylymdarynyń doktory (2010).

Eńbek joly: ýnıversıtet janyndaǵy «Kóne túrki jazba eskertkishteri» ortalyǵynyń ǵylymı qyzmetkeri (1998-2000); M. Dýlatı atyndaǵy Taraz memlekettik ýnıversıtetiniń kafedra meńgerýshisi, dotsenti, Jambyl oblysy (2000-2001); M.Áýezov atyndaǵy Ońtústik Qazaqstan memlekettik ýnıversıtetiniń testileý ortalyǵynyń bastyǵy, túrkologııa ortalyǵynyń basshysy (2001-2004); Taraz memlekettik pedagogıkalyq ýnıversıtetiniń oqý-ádistemelik jumys jónindegi prorektory (2004-2006); Ahmet ıAssaýı atyndaǵy Halyqaralyq qazaq-túrik ýnıversıteti fakýltetiniń dekany, dotsenti, dırektorynyń orynbasary (2006-2010); Taraz ınnovatsııalyq-gýmanıtarlyq ýnıversıtetiniń birinshi prorektory (2011-2012); Sherhan Murtaza atyndaǵy halyqaralyq Taraz ınnovatsııalyq ınstıtýtynyń kafedra dotsenti, fakýltet dekany, professor, birinshi prorektory, rektory, qarjy dırektory, prezıdenti (2012-2022); Qazaqstan Respýblıkasy Parlamenti VIII shaqyrylǵan Májilisiniń depýtaty, Halyqaralyq ister, qorǵanys jáne qaýipsizdik komıtetiniń múshesi (2023-2026).

«Qurmet» ordenimen, mereıtoılyq medaldarymen marapattalǵan.

Nurlan Januzaquly ALDAMJAROV, QR Sý resýrstary jáne ırrıgatsııa birinshi vıtse-mınıstri

1975 jyly dúnıege kelgen. Tashkent ınjenerlik ırrıgatsııa jáne mehanızatsııa aýyl sharýashylyǵy ınstıtýtyn bitirge, ınjener-gıdrotehnık (1999).

Eńbek joly: memlekettik jáne kommertsııadyq uıymdarda jumys istegen (1999-2008); Ońtústik Qazaqstan oblysynyń Tabıǵı resýrstar jáne tabıǵatty paıdalanýdy retteý basqarmasy Sý resýrstaryn retteý jáne qorǵaý bóliminiń jetekshi mamanynyń m. a., jetekshi mamany, bas mamany (2008-2012); Ońtústik Qazaqstan oblysynyń Energetıka jáne turǵyn úı-kommýnaldyq sharýashylyq basqarmasy Aýyz sýmen qamtamasyz etý bóliminiń bas mamany, basshysy, basqarma basshynyń orynbasary (2012-2014); OQO TKSh jáne jolaýshylar kóligi basqarmasynyń basshysy (2015); «Nur Otan» partııasynyń ortalyq apparatynyń uıymdastyrý-baqylaý jumysy departamentiniń dırektory, partııalyq baqylaý qyzmetiniń basshysy (2015-2016); QR AShM Sý resýrstary komıteti «Qazsýshar» RMK-nyń gıdrotehnıkalyq qurylys bóliminiń jetekshi mamany (2016); QR AShM Sý resýrstary komıteti tóraǵasynyń orynbasary (2016-2018); Jambyl oblysy ákimdiginiń Energetıka jáne TKSh basqarmasynyń basshysy (2018-2020); QR Ekologııa, geologııa jáne tabıǵı resýrstar mınıstrligi Sý resýrstary komıtetiniń tóraǵasy (2020-2023); Qazaqstan Respýblıkasy sý resýrstary jáne ırrıgatsııa vıtse-mınıstri (2023-06.2025).

Qazirgi laýazymǵa 2025 jyldyń maýsym aıynda kiristi.

«Qurmet» ordenimen marapattalǵan (2019).

Álibek ANTAZIEV, Batys Qazaqstan oblysynyń memlekettik sáýlet-qurylys baqylaý basqarmasynyń basshysy

1982 jyly Atyraý qalasynda dúnıege kelgen. Mahambet Ótemisov atyndaǵy Batys Qazaqstan memlekettik ýnıversıtetin aýdarmashy (2004); Batys Qazaqstan ınjenerlik-gýmanıtarlyq ýnıversıtetin qurylys (2011) mamandyǵy boıynsha bitirgen.

Eńbek joly: sýpervaızer, «Interneshnl Sapport Servısesz» JShS (2003); qoǵamdyq tamaqtaný bóliminiń sýpervaızeri, «ıÝrest Sýpport Servısez Kazahstan» JSSh (2003-2004); menedjer, «ıÝrest Reıteon Servısez» JShS (2005-2006); tutynýshylyq qyzmetter bóliminiń menedjeri, «ıÝSS Sýport Servısez» JShS (2006-2008); óndiristik-tehnıkalyq qyzmettiń jetekshi ınjeneri, «OblTransGaz» KMK (2009); Atyraý oblysynyń energetıka jáne kommýnaldyq sharýashylyq basqarmasynyń josparlaý shart bólimi bas mamany (2009-2011); Oral qalasynyń qurylys bóliminiń óndiristik-tehnıkalyq sektorynyń meńgerýshisi (2011-2012); Batys Qazaqstan oblysynyń qurylys basqarmasy turǵyn úı qurylysynyń monıtorıngi bóliminiń basshysy (2014-2015); Batys Qazaqstan oblysynyń qurylys basqarmasy óndiristik-tehnıkalyq bólimniń basshysy (2015-2016); Batys Qazaqstan oblysy qurylys basqarma basshysynyń orynbasary (2016-2019); Batys Qazaqstan oblysynyń qurylys basqarmasynyń basshysy (2019-2025).

2025 jyldan bastap qazirgi qyzmette.

Nurtaza IBRAShEV, «Qarajanbasmunaı» AQ bas dırektory

1984 jyly dúnıege kelgen. Atyraý munaı jáne gaz ınstıtýtyn «Munaı jáne gaz ken oryndaryn ıgerý» mamandyǵy boıynsha bitirgen.

Eńbek jolyn burǵylaýshy kómekshisi bolyp bastaǵan. Ár jyldary «KazbýrGaz» jáne «Parker Drilling» kompanııalarynda, Qashaǵan ken orny jáne Jemchýjına sııaqty halyqaralyq jobalarda, «Agip KCO», «Kaspıı Merýerti Opereıtıng Kompanı», «North Caspian Operating Company» mekemelerinde túrli laýazymda jumys istedi (2006-2020); QazMunaıGaz kompanııalar tobynda munaı servıstik baǵyttaǵy enshiles jáne táýeldi uıymdaryna jetekshilik etti (2020-2022); «Munaıtelekom» JShS bas dırektory (2023-2026).

Qazirgi laýazymyn atqarýǵa 2026 jyldyń naýryzynda kirisken.

Dáýlet KÁRІBEK, Qazaqstan Respýblıkasy Quryltaıynyń depýtaty

1990 jyly Jambyl oblysy Sarysý aýdanynyń Jańaaryq aýylynda dúnıege kelgen. L. N. Gýmılev atyndaǵy Eýrazııa ulttyq ýnıversıtetin bitirgen, saıasattaný bakalavry, saıasattaný magıstri, «PhD» (2012, 2014, 2018).

Eńbek joly: Astana qalasy, Almaty aýdany «Jas Otan» MK tóraǵasynyń birinshi orynbasary (2009-2010); QR Ádilet mınıstrliginiń Sot saraptamasy ortalyǵynyń ınspektory (2012-2014); «Jas Otan» MK Hatshylyǵynyń uıymdastyrý-aýmaqtyq jumys bóliminiń sarapshysy, oblystyq kýratory (2014-2015); QR Prezıdenttigine kandıdat N.Á. Nazarbaevtyń respýblıkalyq qoǵamdyq shtabynyń qyzmetkeri (2015-2016); «Nur Otan» partııasynyń respýblıkalyq saılaýaldy shtabynyń qyzmetkeri (2016-2017); «Nur Otan» partııasy janyndaǵy «Jas Otan» MK Hatshylyǵynyń basshysy (2017-2018); «Nur Otan» partııasy janyndaǵy «Jas Otan» MK atqarýshy hatshysy (2018-2019); «Nur Otan» partııasy janyndaǵy «Jas Otan» MK tóraǵasy (2019-01.2020); «Nur-Sultan qalasynyń jastar saıasaty máseleleri jónindegi basqarmasy» MM basshysy (01.2020-01.2021); Jambyl oblysy ákiminiń orynbasary (04.2021-03.2022); «AMANAT» partııasy» QB hatshysy (03.2022-07.2023); «AMANAT» partııasy» QB atqarýshy hatshysy (2023-2026).

2026 jyldyń tamyz aıynda Quryltaı depýtaty bolyp saılandy.