12 qazanǵa arnalǵan aýa raıy boljamy
ASTANA. QazAqparat - 12 qazan kúni respýblıkanyń basym bóliginde atmosferalyq frontaldy bólikterdiń ótýine baılanysty jaýyn-shashyn kútiledi, tek batysta jáne ońtústik-shyǵys aýdandarda jaýyn-shashynsyz aýa-raıy saqtalady.
Keı jerlerde tuman, kóktaıǵaq, 15-20 m/s ekpinde jel bolady, dep habarlaıdy QazAqparat «Qazgıdrometke» silteme jasap.
Máselen, Ońtústik Qazaqstan, Manǵystaý, Qostanaı, kúndiz Jambyl oblystarynyń keı jerlerinde jel 15-20 m/s kúsheıedi.
Pavlodar, Qaraǵandy, Shyǵys Qazaqstan oblystarynyń keı jerlerinde tuman, kóktaıǵaq bolyp, jeldiń jyldamdyǵy 15-20 m/s-qa jetedi.
Aqmola, Soltústik Qazaqstan oblysynyń keı jerlerinde tuman, kóktaıǵaq kútiledi.
