12 qazanda elimizdiń ońtústiginde qatty jańbyr jaýady
ASTANA. KAZINFORM – «Qazgıdromet» sınoptıkteri 12 qazanǵa arnalǵan aýa raıy boljamyn jarııalady. Elimizdiń basym bóliginde kún jyly ári jaýyn-shashynsyz bolǵanymen, ońtústik óńirlerde jańbyr jaýyp, naızaǵaı oınaıdy.
Sınoptıkterdiń málimetinshe, aýqymdy antıtsıklonnyń áserinen Qazaqstannyń kóptegen óńirinde jyly, jaýyn-shashynsyz aýa raıy saqtalady.
Al eldiń ońtústigi men ońtústik-shyǵysynda atmosferalyq fronttardyń ótýine baılanysty jańbyr jaýyp, naızaǵaı kútiledi. Ońtústik óńirlerde jaýyn-shashyn qatty bolýy múmkin.
Sonymen qatar respýblıka boıynsha jel kúsheıip, keı jerlerde tuman túsedi.
– Atyraý oblysynda, Mańǵystaý oblysynyń ortalyǵynda, Batys Qazaqstan oblysynyń batysynda, ońtústiginde jáne shyǵysynda, Aqtóbe oblysynyń shyǵysynda, Jetisý oblysynyń shyǵysynda, Qyzylorda oblysynyń soltústigi men ortalyǵynda, Qostanaı oblysynyń ońtústiginde joǵary órt qaýpi saqtalady, – delingen «Qazgıdromet» boljamynda.
Al Qyzylorda oblysynda, Aqtóbe oblysynyń batysynda, ońtústiginde jáne ortalyǵynda, Atyraý oblysynyń ońtústiginde, Ulytaý oblysynyń batysynda, ońtústiginde jáne ortalyǵynda tótenshe órt qaýpi kútiledi.
Mamandar turǵyndarǵa aýa raıynyń ózgerisin eskerip, ásirese órt qaýpi joǵary aımaqtarda qaýipsizdik sharalaryn saqtaýdy usynady.
