12 qazan. Týǵan kún ıeleri.
ESІMDER
80 jyl buryn (1938-2014) Qazaqstan Respýblıkasy Týynyń avtory, monýmentshi-sýretshi, Qazaqstannyń eńbek sińirgen mádenıet qaıratkeri Sháken NIıAZBEKOV dúnıege keldi.
Taraz qalasynda týǵan. Sankt-Peterbýrg kórkem ónerkásip ınstıtýtyn bitirgen. 1963-1966 jyldary - Sankt-Peterbýrgtaǵy Elektr pisirý jabdyqtarynyń búkilodaqtyq ǵylymı-zertteý ınstıtýtynyń sýretshi-konstrýktory. 1966-1968 jyldary - Qazaq KSR halyq sharýashylyq jetistikteri kórmesiniń sýretshisi. 1969-1982 jyldary - Almaty qalasynyń bas sýretshisi. 1982-1987 jyldary - Qazaqstan Sýretshiler odaǵynyń tóraǵasy. 1983-1984 jyldary - KSRO Sýretshiler odaǵynyń hatshysy. Ol «Abaı», «Mýzyka sazy», «Ańshylyq», «Qurmanǵazy», «Kisen ashqan», «Álı Batyr», «Syrym Datov», t.b. alıýmınııge, mysqa, jezge bederlengen monýmenttik týyndylardyń, Qazaqstan Respýblıkasy Týynyń, Almaty qalasy tańbasynyń avtory. Tehnıka ǵylymynyń doktory V.Zaıchıkpen birlesip jasaǵan pisirgish mashınasy Monrealdaǵy dúnıejúzilik kórmede kórsetildi. «Globýs» televızorynyń kórkemdik-konstrýktorlyq sapasy úshin 1965 jyly Chehoslovakııada ótken halyqaralyq konkýrsta 1-shi dárejeli syılyq berildi. «Qurmet» ordenimen, 1998 jyly "Astana" medalimen, 2001 jyly "Qazaqstan táýelsizdigine 10 jyl" medalimen, 2005 jyly "Qazaqstan konstıtýttsııasyna 10 jyl" medali jáne t.b memlekettik marapattarmen marapattalǵan.
75 jyl buryn (1943) ánshi, pedagog, Qazaqstannyń eńbek sińirgen ártisi Juldyz Ábilqaıyrqyzy BAIMOLDINA dúnıege keldi.
Almaty qalasynda týǵan. Máskeý ýnıversıtetin, Italııanyń Neapol qalasyndaǵy San Petro a Maıella konservatorııasyn, Máskeý qalasyndaǵy KSRO Ǵylym akademııasy Orys tili ınstıtýtynyń aspırantýrasyn bitirgen. 1967-1973 jyldary Neapol qalasyndaǵy ýnıversıtet janyndaǵy Shyǵys tilder ınstıtýtynda orys tilinen sabaq bergen. 1973-1977 jyldary Qazaq akademııalyq opera jáne balet teatry quramynda solo-ánshisi bolyp, Sara (M.Tólebaev «Birjan-Sara»), Ajar (A.Jubanov, L.Hamıdı «Abaı»), Prılepa (P.Chaıkovskıı «Qarǵanyń mátkesi»), Vıoletta, Valera men Djılda (Dj.Verdı «Travıata», «Rıgoletta»), Rozına (Dj.Rossını «Sevılıa shashtarazy»), Tsermına (V.Motsart «Don Jýan»), t.b. partııalaryn oryndady. 1981-1984 jyldary - Qazaq fılarmonııasynyń solo-ánshisi. 1983-1994 jyldary Almaty teatr jáne kıno ınstıtýtynda (qazirgi T.Júrgenov atyndaǵy Qazaq ulttyq óner akademııasy) ustazdyq etti. 1993 jyldan Qazaq ulttyq konservatorııasynda ıtalıan tilinen sabaq berdi. Ol orys tili sıntaksısine, sondaı-aq, kásibı ánshilik daýysty ıgerip qalyptastyrý máseleleri jóninde ǵylymı-ádistemelik eńbekter jazdy.
152 jyl buryn (1866-1937) Ulybrıtanııanyń memleket jáne saıası qaıratkeri Djeıms Ramseı MAKDONALЬD dúnıege keldi.
83 jyl buryn (1935-2007) ataqty ıtalıan ánshisi (tenor) Lýchano PAVAROTTI dúnıege keldi.