12 qazan kúni elordada ótetin mańyzdy sharalar ańdatpasy
NUR-SULTAN. QazAqparat – «QazAqparat» Halyqaralyq aqparat agenttigi 12 qazanda elordada ótetin mańyzdy sharalar ańdatpasyn usynady.
9.00-de Úkimet úıinde Úkimet otyrysy ótedi. Kún tártibinde 2021 jylǵy qańtar-qyrkúıek aılaryndaǵy áleýmettik-ekonomıkalyq damý qorytyndysy jáne respýblıkalyq bıýdjettiń atqarylýy, ulttyq jobalar qaralady. Úkimet otyrysy PrimeMinister.kz saıtynda jáne áleýmettik jelilerdegi resmı akkaýnttarynda onlaın rejımde kórsetiledi.
11.00-de, Esil aýdanynyń polıtsııa departamentinde «Polıtsııa qyzmetkerleriniń kásibı qyzmeti men dene daıyndyǵy» taqyrybynda brıfıng ótedi.
12.30-da QR Prezıdenti janyndaǵy Ortalyq kommýnıkatsııalar qyzmetinde Nur-Sultan qalasynda koronavırýs ınfektsııasynyń taralýyna jol bermeý jónindegi sharalary týraly baspasóz máslıhaty ótedi. Spıkerler:
Nur-Sultan qalasy ákiminiń orynbasary Oralov Ashat Razdyquly; Nur-Sultan qalasynyń qoǵamdyq Densaýlyq saqtaý basqarmasynyń basshysy Muratov Tımýr Muratuly; Nur-Sultan qalasynyń Bas memlekettik sanıtarlyq dárigeri Beısenova Sarhat Saǵyntaıqyzy. Kórsetilim siltemeleri: https://www.youtube.com/user/ortcomkz, https://ru-ru.facebook.com/ortcomkz
13.30-de St. Regis Astana qonaq úıinde Azııadaǵy ózara is-qımyl jáne senim sharalary jónindegi keńestiń syrtqy ister mınıstrleriniń 6-shy kezdesýine arnalǵan baspasóz máslıhaty ótedi.
16.00-de QR Ulttyq mýzeıinde Qazaqstandaǵy Reseıdiń Mádenıet kúnderi aıasynda «Vologda shilteri» atty kórmeniń ashylýy ótedi.
