12 qazan. Kazinform kúntizbesi. Tulǵalar týǵan kún
Búgin, 12 qazan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
Baýyrjan BEKTURǴAN, «Ádilet» partııasy Batys Qazaqstan oblystyq fılıalynyń jetekshisi
1980 jyly Oral qalasynda dúnıege kelgen. Batys Qazaqstan ınjenerlik-tehnologııalyq kolledjin, Atyraý munaı jáne gaz ýnıversıtetin, Reseı halyqtar dostyǵy ýnıversıtetin (RÝDN) jáne Qazaq gýmanıtarlyq-zań ýnıversıtetin támamdaǵan.
Eńbek joly: 2001-2005 jyldary «Qarashyǵanaq» jobasy aıasynda «CCC-Saipem» konsortsıýmynda qaýipsizdik jónindegi úılestirýshi qyzmetin atqardy. 2005-2008 jyldary «ERSAI Kaspıan Kontraktor» JShS-da qaýipsizdik, vahtalyq qalashyq jáne ákimshilik máselelerine jaýapty úılestirýshi boldy. 2008-2019 jyldary «Saıpem» AQ-nyń Qazaqstandaǵy fılıalynda ákimshilik máseleler jónindegi úılestirýshi jáne qaýipsizdik menedjeri qyzmetterin atqardy. 2019-2023 jyldary «NKOK» kompanııasynda nysandardy basqarý menedjeri, keıin korporatıvtik qyzmetter jónindegi dırektordyń mindetin atqarýshy boldy. 2023 jyldan 2024 jylǵy qarashaǵa deıin «AQJAIYQ» áleýmettik-kásipkerlik korporatsııasy» AQ basqarma tóraǵasynyń orynbasary qyzmetin atqardy. 2024 jylǵy qarashadan bastap «Batys Qazaqstan AEJK» JShS bas dırektory qyzmetine kiristi.
Qazirgi qyzmetin 2026 jylǵy shildeden bastap atqaryp keledi.
Ánýar MÁDIEV, Astana qalasy boıynsha Memlekettik kirister departamenti basshysynyń orynbasary
1983 jyly Qaraǵandy qalasynda dúnıege kelgen. 2004 jyly QR ІІM B.Beısenov atyndaǵy Qaraǵandy zań ınstıtýtyn, 2006 jyly Qaztutynýodaǵy Qaraǵandy ekonomıkalyq ýnıversıtetin támamdaǵan. Zań ǵylymdarynyń kandıdaty.
Eńbek joly: 2004-2008 jyldary Qazaqstan Respýblıkasy Іshki ister mınıstrliginiń ishki ister organdarynda qyzmet atqardy. 2008-2009 jyldary QR Kólik jáne kommýnıkatsııa mınıstrligi Zań departamentiniń bas sarapshysy boldy. 2009-2010 jyldary QR Premer-Mınıstri Keńsesinde bas sarapshy qyzmetin atqardy. 2010-2012 jyldary Qazybek bı aýdany boıynsha salyq basqarmasy basshysynyń orynbasary qyzmetin atqaryp, Qaraǵandy oblysy boıynsha Salyq departamenti men QR Qarjy mınıstrligi Salyq komıtetiniń qurylymdarynda jumys istedi. 2012-2014 jyldary QR Qarjy mınıstrligi Salyq komıtetiniń Qaraǵandy oblysy boıynsha Salyq departamenti basshysynyń orynbasary boldy. 2014-2017 jyldary kommertsııalyq uıymdarda qyzmet atqardy. 2017-2019 jyldary QR Qarjy mınıstrligi Memlekettik kirister komıtetiniń Eksporttyq baqylaý basqarmasyn basqardy. 2019-2022 jyldary Memlekettik kirister komıteti Baqylaý departamentiniń Saýdaǵa jatpaıtyn aınalym basqarmasynyń basshysy boldy. 2022-2024 jyldary QR Qarjy mınıstrligi Memlekettik kirister komıtetiniń Qaraǵandy oblysy boıynsha Memlekettik kirister departamentin basqardy.
Qazirgi qyzmetin 2024 jylǵy sáýirden bastap atqaryp keledi.
Sháken Nııazbekov, dızaıner, sýretshi-monýmentalıst, Qazaqstannyń eńbek sińirgen óner qaıratkeri, KSRO Sýretshiler odaǵynyń múshesi, Qazaqstan Respýblıkasynyń Memlekettik Týynyń avtory
1938 jyly Taraz qalasynda dúnıege kelgen. 1958 jyly Lenıngrad kórkemsýret ýchılışesin, 1966 jyly V.I. Mýhına atyndaǵy Lenıngrad joǵary kórkemsýret ýchılışesin metaldy kórkem óńdeý mamandyǵy boıynsha támamdaǵan.
Eńbek joly: 1963-1966 jyldary Lenıngrad elektrmen dánekerleý ǵylymı-zertteý ınstıtýtynda sýretshi-konstrýktor, 1966-1968 jyldary Qazaq KSR Halyq sharýashylyǵy jetistikteri kórmesiniń sýretshisi boldy. 1968-1982 jyldary Almaty qalasynyń bas sýretshisi, 1982-1986 jyldary Qazaqstan Sýretshiler odaǵynyń tóraǵasy qyzmetin atqardy. 1987 jyldan bastap Almaty qalasynyń bas sýretshisi, 1993 jyldary Qazaqstan Sýretshiler odaǵynyń hatshysy, 1998 jyly Almaty qalasynyń bas sýretshisi boldy.
1992 jyly Sháken Nııazbekov Qazaqstannyń túkpir-túkpirinen, TMD elderinen, Mońǵolııadan, Túrkııadan jáne Germanııadan usynylǵan júzdegen jobanyń arasynan Memlekettik Tý eskızi boıynsha ótken baıqaýda jeńiske jetti. Onyń jobasyn Qazaq KSR Joǵarǵy Keńesiniń depýtattary maquldady.
Sýretshiniń «Amangeldi», «Jylqyshy» atty alǵashqy týyndylary Almatyda ótken respýblıkalyq kórmege qoıyldy. Al «Shoqan Ýálıhanov» pen «Abaı» shyǵarmalary Búkilodaqtyq kórmege usynylyp, Qytaı men Úndistanda tanystyryldy. 1967 jyly Monrealda ótken «EKSPO-67» dúnıejúzilik kórmesinde onyń «Qurmanǵazy» «Kisen ashqan» jáne «Isataı Taımanov» kartınalary kásibı sýretshiler tarapynan joǵary baǵalandy.
Ol alıýmınıı men qoladan jasalǵan kóptegen monýmenttik týyndynyń avtory. Olardyń qatarynda «Kóbik shashqan», «Syrym Datov», «Sáken Seıfýllın», «Álı batyr», «Mýzyka sazy», «Ańshylyq», «Muhtar Áýezov» shyǵarmalary bar.
Eńbegi men ónerdegi jetistikteri úshin Sháken Nııazbekov «Qurmet» ordenimen, «Astana» (1998), «Qazaqstan Respýblıkasynyń táýelsizdigine 10 jyl» (2001), «Qazaqstan Konstıtýtsııasyna 10 jyl» (2005) medaldarymen marapattalǵan. Sondaı-aq 1961 jyly Chehoslovakııada «Globýs» teledıdarynyń dızaıny úshin altyn medalǵa ıe bolǵan.
