12 qazan. QazAqparat kúntizbesi
12 qazan, JUMA
BUU-da ıspan tili kúni
Birikken Ulttar Uıymy qoǵammen baılanys departamentiniń bastamasymen ataýly kúnderdiń qataryna endi. 2010 jyly bul qurylym BUU resmı alty tiliniń árbiri úshin ataýly kúndi bekitý usynysyn jasady. Sodan bastap ıspan tili kúni 12 qazanda toılanady.
Brazılııada sábı kúni
Mundaı merekeni atap ótý usynysyn alǵash ret 1920 jyly Galdino do Valle Filho federaldy jıynynyń depýtaty jasady. Nátıjesinde 1924 jyly Brazılııa prezıdenti Artýr Bernardes usynysty quptady. Osylaısha 12 qazan brazılııalyq balalar úshin resmı mereke bolyp bekitildi.
Ispanııanyń memlekettik meıramy - ıspan ultynyń kúni
Hrıstofor Kolýmbtyń Amerıkany ashqan jylynyń qurmetine oraı atap ótiledi (1492).
Qazaqstan Respýblıkasy men Ispanııa Koroldiginiń arasyndaǵy dıplomatııalyq qarym-qatynas 1992 jylǵy 11 aqpanda ornatyldy.
Ekvatorlyq Gvıneıa Respýblıkasynyń ulttyq meıramy - Táýelsizdik kúni
Ekvatorlyq Gvıneıa - Batys Afrıkada ornalasqan memleket. Soltústiginde Gvıneıa-Bısaý, Senegal, Malımen, shyǵysynda jáne ońtústik-shyǵysynda Kot-d' Ivýarmen, ońtústiginde Lıberııa, Serra-Leonemen, batysynda Atlant muhıtymen shektesedi. Astanasy - Konakrı qalasy. Memlekettik tili - frantsýz tili. Aqsha birligi - gvıneıa franki.
ESTE QALAR OQIǴALAR
1965 jyly Óskemen áýejaıyna alǵash ret AN-24 laıneri qondy, Óskemen men Almaty arasyndaǵy tikeleı áýe reısteri ashyldy.
1991 jyly Qazaqstan Jastar odaǵy quryldy. Basty maqsaty - salaýatty ómir saltyn nasıhattaý, jastardyń zııatkerlik qabiletterin damytý, eldegi joǵary oqý oryndary stýdentteriniń mádenı jáne ekonomıkalyq quqyqtaryn qorǵaý.
1997 jyly Almatyda Ulttyq aqparat ortalyǵy ashyldy.
1998 jyly kompozıtor Shámshi Qaldaıaqovtyń (1930-1992) Almatydaǵy zıratyna eskertkish qoıyldy.
2000 jyly QR Prezıdenti Nursultan Nazarbaevtyń «QR Prezıdentiniń «Bolashaq» halyqaralyq stıpendııasyna úmitkerlerdi irikteý jáne berý erejesin bekitý týraly» Jarlyǵy jaryq kórdi.
2004 jyly Qazaqstan bilim men ǵylym qyzmetkerleriniń úshinshi sezi ótip, onda Elbasy N.Á.Nazarbaev Qazaqstanda bilim men ǵylymdy damytýdyń problemalary men negizgi baǵyttary týraly sóz sóıledi.
2005 jyly Reseıdiń Astrahan oblysy Volodar aýdanyndaǵy Altynjar selosynda uly kúıshi Qurmanǵazy atyndaǵy memleketaralyq mádenı ortalyq ashyldy. Kıiz úı pishindes ǵımaratta Qurmanǵazynyń murajaıy, qazirgi zamanǵy qonaqúı jáne mýzyka bólmesi ornalasqan. Sońǵysynda dombyra, fortepıano, baıan jáne teorııalyq mýzyka synyptary bar. Al murajaıǵa 19 ǵasyrdaǵy qazaq turmysynyń jádigerleri, Qurmanǵazynyń kıimderi men tutynǵan zattary qoıylǵan.
2008 jyly 12-14 qazan aralyǵynda Avstrııanyń Federaldyq Prezıdenti Haınts Fısherdiń Qazaqstanǵa resmı sapary boldy. Sapar barysynda elimizdiń basshysymen kelissózder júrgizilip, ekijaqty yntymaqtastyqtyń búkil salalary talqylandy.
2009 jyly Mınsk qalasynda ótken jyldyń úzdik qurylysy jáne jobasy halyqaralyq baıqaýynda qaraǵandylyq arhıtektor Ramazan Áýbákirovtiń jumysy Altyn medalmen marapattaldy. Halyqaralyq arhıtektorlar odaǵynyń qaýymdastyǵy ótkizip otyrǵan baıqaýǵa Qaraǵandydan 5000 oryndyq meshittiń jobasy usynyldy. Jumysty oryndaǵan avtorlardyń biri R.Áýbákirovtiń aıtýynsha, «joba qasıeti Qaǵba tasynyń beınesine keltirilip jasalǵan». Avtorlar kýb formasyndaǵy musylman meshitin, kúmbezi men munarasyn aq túspen jasaýdy jáne olardy shynymen qaptap qoıýdy usyndy.
2010 jyly Horvatııa astanasy Zagrebtegi «Mımara» memlekettik mýzeıinde Qazaqstan Respýblıkasynyń Prezıdenti Nursultan Nazarbaevtyń «Qazaqstandyq jol» kitabynyń horvat tilindegi nusqasynyń tusaýy kesildi.
2011 jyly Jeńil atletıka federatsııalarynyń halyqaralyq qaýymdastyǵy (IAAF) Almatydaǵy Ortalyq stadıonǵa onyń júgirý jolaqtary qaptamasynyń halyqaralyq jarystardy ótkizýge qoıylatyn IAAF-tyń barlyq tehnıkalyq talaptary men erejelerine jaýap beretindigi jóninde sertıvıkat berdi.
Osylaısha Almaty ortalyq stadıonynyń júgirý jolaǵy 2 klass jeńil atletıka nysany retinde moıyndaldy. Bul oǵan halyqaralyq jarystardy ótkizý quqyǵyn beredi. Bul Ortalyq Azııadaǵy osyndaı sertıfıkatqa ıe alǵashqy stadıon ekenin atap kórsetken jón.
2011 jyly 75 jastaǵy qaraǵandylyq marafonshy Pavel Sırotın 20 km qashyqtyqta ardagerler arasyndaǵy ІІ Eýropa oıyndarynyń jeńimpazy atandy. Atalǵan jarysqa Eýropanyń 40-tan astam elinen jınalǵan sportshylar qatysqan bolatyn.
2011 jyly Astanadaǵy «ıAdrosyz álem úshin» Halyqaralyq forýmynyń qorytyndysy boıynsha ıadrosyz álem týraly Deklaratsııa qabyldandy.
2011 jyly RF Astrahan oblysy Shaǵyn Aral aýylynda Bókeı han kesenesiniń ashylý saltanaty ótti. Bókeı han tarıhqa Bókeı ordasynyń negizin qalaýshy retinde endi. HІH ǵasyrdyń bas kezinde qazaqtar jońǵar taıpalaryn yǵystyryp shyǵarǵan tusta ol І Pavel patshamen kelissóz júrgizip, Jaıyqtyń oń jaǵalaýyn ıelendi. 1812 jyly Bókeı ordasyn qurdy, bul memleket 1845 jylǵa deıin ómir súrdi. Ol Edil men Jaıyq ózenderiniń arasynda, qazirgi Atyraý, Mańǵystaý jáne Batys Qazaqstan oblystarynyń aýmaǵynda, sondaı-aq ishinara qazirgi Qazaqstanmen shektesetin Reseı jerlerinde ornalasty. Bókeı han Astrahan oblysynda, óziniń rýhanı ustazy, ǵulama Seıit babanyń qabiriniń janyna jerlendi.
2012 jyly Qazaqstan Respýblıkasynyń Ulttyq banki «proof» sapasymen nomınaldyq quny 100 teńgelik «Barys» jáne nomınaldyq quny 500 teńgelik bir gaýhar ornatylǵan «Úki» eskertkish altyn monetalaryn aınalymǵa shyǵardy.
2012 jyly Qazaqstan Respýblıkasy Úkimetiniń №1304 qaýlysymen A.Aıymbetovke Qazaqstan Respýblıkasynyń ǵaryshkeri mártebesi berildi.
2015 jyly Qazaqstan Respýblıkasynyń Qasıetti taq janyndaǵy elshiligi dinaralyq dıalog jónindegi Papa Keńesimen yntymaqtastyqta Qazaqstan halqy Assambleıasynyń 20 jyldyǵy aıasynda Vatıkanda «Qazirgi álemdegi etnosaralyq jáne konfessııaaralyq kelisim» ǵylymı-praktıkalyq konferentsııasy jáne fotokórmesin uıymdastyrdy.
2017 jyly Túrki akademııasy halyqaralyq uıymy (TWESCO) Vengrııanyń Qazaqstandaǵy elshiligimen birlesip, majar etnografy, professor Mıhaı Hoppaldyń zertteýi boıynsha «Shamandar men jora-rásimder» atty fotokórme uıymdastyrdy.
Kórmeniń ashylý saltanatyna belgili memleket jáne qoǵam qaıratkerleri, kórnekti túrkitanýshy ǵalymdar, Qazaqstanda tirkelgen dıplomatııalyq korpýs ókilderi men jýrnalıster qatysty.
2017 jyly Majarstannyń Qazaqstan Respýblıkasyndaǵy Tótenshe jáne ókiletti elshisi Andrash Baranı Astanada Halyqaralyq Túrki akademııasynyń basshysy Darhan Qydyrálige Majarstan prezıdentiniń jarlyǵymen bekitilgen Majarstannyń ofıtserlik krest ordenin saltanatty túrde tabys etti.
1968 jyly Meksıka astanasy Mehıkoda Olımpıada oıyndary bastaldy. Bul oıyndardyń ereksheligi alǵash ret taýly aımaqta ótkizildi.