12 qazaqstandyq boksshy U23 Azııa chempıonatynyń fınalyna shyqty
ASTANA. KAZINFORM — Indonezııanyń Djakarta qalasynda bokstan U19 jáne U23 jas sanatynda Azııa chempıonaty jalǵasyp jatyr, dep habarlaıdy UOK baspasóz qyzmeti.
Búgin, 12 shildede U23 jas sanatynda jartylaı fınaldyq jekpe-jekter ótti. Nátıjesinde 12 otandasymyz aqtyq synǵa joldama aldy.
Gúlnaz Bóribaeva (48 kelige deıin), Anıta Adısheva (51 kelige deıin), Uljan Sársenbek (57 kelige deıin), Azıza Isına (70 kelige deıin), Shuǵyla Nálibaı (75 kelige deıin), Beksultan Boranbek (55 kelige deıin), Nurasyl Tólebek (60 kelige deıin), Nurbek Mursal (70 kelige deıin), Aman Qonysbek (75 kelige deıin), Óner Seıilhan (80 kelige deıin), Temirlan Muqataev (85 kelige deıin), Ibragım Betaev (90 kelige deıin) óz jekpe-jekterinde jeńiske jetti.
Aıta keteıik, Quralaı Eginbaıqyzy (80 kelige deıin) tikeleı fınalǵa ótti.
Al Aıajan Ermek (60 kelige deıin), Panar Seıithanqyzy (80 keliden joǵary), Aslan Eldibaıuly (90 keliden joǵary) fınaldan tys qalyp, qola júldeger atandy.
Aıta keteıik, U23 jas sanatynda fınaldyq jekpe-jekter 15-16 shilde aralyǵynda ótedi.
