12 qarashada Nur-Sultan men Almatyda ótetin mańyzdy sharalar

NUR-SULTAN

9.00-de «Úkimet úıinde» Úkimet otyrysy bastalady. Kún tártibinde: 2019 jyldyń qańtar-qazan aılaryndaǵy áleýmettik-ekonomıkalyq damý qorytyndylary jáne respýblıkalyq bıýdjettiń atqarylýy.

9.00-de «Hilton Astana» qonaqúıinde qazaqstandyq kásiporyndardyń EYDU GLP zerthanalyq praktıka standarttaryna kóshýi jóninde semınar-keńes ótedi.

9.30-da EKSPO Kongress-ortalyǵynda QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń uıymdastyrýymen «Baıqońyr – álemdik ǵarysh besigi» atty halyqaralyq forým bastalady.

9.30-da Grand Park Esil qonaqúıinde QR Ortalyq saılaý komıssııasy EQYU Nur-Sultan qalasyndaǵy baǵdarlamalar ofısimen birlesip «Ulttyq saılaý zańnamasy men Halyqaralyq saılaý standarttaryn saqtaýdaǵy halyqaralyq baqylaý ınstıtýtynyń róli» atty semınar-trenıng uıymdastyrady.

10.00-de «Nazarbaev ortalyǵynda» aımaqtaǵy geosaıasat pen qaýipsizdik máselelerin talqylaýǵa arnalǵan «Astana klýbynyń» besinshi otyrysy ótedi.

10.00-de «Komfort Otel Astana» qonaqúıinde ІІІ Imamdar forýmy ótedi.

10.00-de Rixos President Astana qonaqúıinde «Qazaqstan etnostary: elimizdiń damýyna qosqan úlesteri. Biz birgemiz» atty respýblıkalyq ǵylymı-praktıkalyq konferentsııa bastalady.

11.00-de Nur-Sultan qalasynyń Memlekettik arhıvinde Ulttyq valıýta jáne Qarjygerler kúnine arnalǵan «Teńge táýelsizdik sımvoly» kórmesi ashylady.

12.20-da QR Prezıdenti janyndaǵy Ortalyq kommýnıkatsııalar qyzmetiniń alańynda Batys Qazaqstan oblysynyń áleýmettik-ekonomıkalyq damýy týraly baspasóz máslıhaty ótedi.

15.00-de QR Úkimetiniń baspasóz ortalyǵynda «Avtojoldar salý men qaıta jóndeý» taqyrybynda baspasóz máslıhaty uıymdastyrylady.

17.00-de Nazarbaev Ýnıversıtetinde «Qazaqstandaǵy saıası kommýnıkatsııa boıynsha oqý quraly» kitaby tanystyrylady.

18.30-de Ritz-Carlton qonaqúıinde Halyqaralyq valıýta qory Qazaqstanmen 2019 jylǵy konsýltatsııalarynyń aıaqtalýy týraly baspasóz máslıhatyn ótkizedi.

18.30-da Beıbitshilik jáne kelisim saraıynda ıÝlııa Moskalenkonyń «VIVA ARTE MIDA» atty jeke kórmesi ashylady.

ALMATY

9.30-da «Shera Park Inn» qonaqúıinde «Baqytty otbasy» januıalyq sottarda otbasylyq qoldaý ortalyqtaryn ashý» áleýmettik jobasynyń qorytyndysyna arnalǵan dóńgelek ústel ótedi.

10.00-de Qazaq bas sáýlet-qurylys akademııasynda «Sáýlet jáne qurylys», «Dızaın» sektsııalaryn daıarlaý baǵytynda QR Bilim jáne ǵylym mınıstrliginiń Respýblıkalyq oqý-ádistemelik keńesi Oqý-ádistemelik birlestiginiń otyrysy ótedi.

14.30-da Qazaqstan Baspasóz klýbynda «Shilik fermerleri» jobasynyń bes jyldyǵyna arnalǵan baspasóz máslıhatynda spıkerler óz tájirıbelerimen, mańyzdy oqıǵalarmen jáne joba nátıjelerimen bólisedi.