12 qarashada Qazaqstanda ótetin mańyzdy sharalar ańdatpasy

NUR-SULTAN

9.00-de www.astanamediaweek.kz platformasynda Astana Media Week 2020 medıa aptalyǵynyń ekinshi kúni ótedi.

10.00-de Senattyń kezekti otyrysy bastalady.

11.00-de QR Aqparat jáne qoǵamdyq damý mınıstri Aıda Balaevanyń tóraǵalyǵymen Aqparatqa qol jetkizý máseleleri jónindegi komıssııa otyrysy onlaın formatta ótedi. Otyrys translıatsııasy Aqparat jáne qoǵamdyq damý mınıstrliginiń Facebook-tegi resmı paraqshasynan kórsetiledi.

12.30-da QR Prezıdenti janyndaǵy Ortalyq kommýnıkatsııalar qyzmetinde Qaraǵandy oblysynyń ákimi Jeńis Qasymbek Memleket basshysynyń Joldaýy aıasyndaǵy óńirdiń damýy týraly baspasóz máslıhatyn ótkizedi.

15.00-de Qarjy mamandyǵy boıynsha bos jumys oryndarynyń jármeńkesi onlaın formatta ótedi.

16.30-da QR Prezıdenti janyndaǵy Ortalyq kommýnıkatsııalar qyzmetinde qazirgi epıdemıologııalyq jaǵdaı men karantındik sharalardy kúsheıtý týraly baspasóz máslıhaty ótedi. Oǵan QR densaýlyq saqtaý vıtse-mınıstri, bas memlekettik sanıtarııalyq dáriger Erlan Qııasov, QR DSM sanıtarlyq-epıdemıologııalyq baqylaý komıtetiniń resmı ókili Erjan Baıtanaev, juqpaly aýrýlar dárigeri, «Astana medıtsınalyq ýnıversıteti» KEAQ, balalar juqpaly aýrýlary kafedrasynyń dotsenti Baıan Turdalına qatysady.

ALMATY

11.00-de Almaty qalasy Strategııa jáne bıýdjet basqarmasynyń basshysy Almas Batanov «Qatysý bıýdjeti» jobasy aıasynda daýys berýdiń bastalýy týraly onlaın-brıfıng ótkizedi.

14.00-de Bostandyq aýdanyndaǵy monıtorıng toptarynyń jumysy jáne áleýmettik jobalardyń iske asyrylýy týraly onlaın-brıfıng ótedi. Spıker retinde Almaty qalasy Bostandyq aýdany ákiminiń orynbasary Janar Sádýaqasov qatysady.