12 qańtar kúni elimizde bolatyn mańyzdy sharalar ańdatpasy

NUR-SULTAN

09.00-de Úkimet úıinde Úkimet otyrysy ótedi. Kún tártibinde Qazaqstan Respýblıkasynyń 2020 jylǵy áleýmettik-ekonomıkalyq damýynyń qorytyndysy jáne respýblıkalyq bıýdjettiń atqarylýy qaralady. Úkimet otyrysy PrimeMinister.kz saıtynda jáne áleýmettik jelilerdegi resmı akkaýnttarynda onlaın rejımde kórsetiledi.

10.00-de Qazaqstan Respýblıkasy Ortalyq saılaý komıssııasynyń QR Parlamenti Májilisi depýtattarynyń saılaýynda daýys berýdiń aldyn ala qorytyndylary týraly otyrysy ótedi. QR OSK ınternet-resýrsynda Ortsaılaýkom otyrystarynyń onlaın kórsetilimi usynylady.

12.30-da Ortalyq kommýnıkatsııalar qyzmetinde oqý jylynyń úshinshi toqsany týraly baspasóz konferentsııasy ótedi. Spıker: QR Bilim jáne ǵylym vıtse-mınıstri Sholpan Karınova, QR Bilim jáne ǵylym vıtse-mınıstri Mıras Dáýlenov.

16.00-de Qazaqstan Respýblıkasy Ortalyq saılaý komıssııasynyń ASK-niń Qazaqstan Respýblıkasy máslıhattary depýtattaryn saılaý qorytyndylaryn belgileý týraly otyrysy ótedi. QR OSK ınternet-resýrsynda Ortsaılaýkom otyrystarynyń onlaın kórsetilimi usynylady.

ALMATY

11.00-de Almaty qalasynyń óńirlik kommýnıkatsııalar qyzmetiniń alańynda Almaty qalasy máslıhaty depýtattaryn saılaý qorytyndylary týraly onlaın brıfıng ótedi. Spıker - Almaty qalasy aýmaqtyq saılaý komıssııasynyń tóraıymy Janna Asanova.