12 qańtar kúni Almatyda jol polıtseıleri Azıada estafeta alaýyn alyp ótetin baǵyt boıynsha kólik qozǵalysyn shekteıtin bolady
ALMATY. 10 qańtar. QazAqparat /Názıra Eleýhan/- 2011 jyldyń 12 qańtarynda Almaty qalasynda 7-Qysqy Azııa oıyndarynyń kýbok alaýy jetkizilip, alaý estafetasy ótkizilýine baılanysty Almaty qalasynyń Jol polıtsııasy basqarmasy jol qozǵalysy qatysýshylaryn,
sondaı-aq qala turǵyndary men qonaqtaryn qala kóshelerinde qozǵalýdyń baǵyttaryn aldyn ala aıqyndap alýyn ótinedi.
Atalmysh aktsııanyń ótkizilýine oraı jáne Almaty qalasynda jol qaýipsizdigin qamtamasyz etý maqsatynda 12 qańtar kúni kúndizgi saǵat 14-00 men 16-00 aralyǵynda Ál-Farabı -Dostyq, Tóle bı - Baıtursyn kósheleriniń aýmaǵynda estafeta alaýyn alyp ótýge baılanysty jol polıtseıleri jol qozǵalysyn shekteıtin bolady.
