12 qańtar kúngi aýa raıy boljamy
NUR-SULTAN. QazAqparat – 12 qańtar kúni Qazaqstan aýmaǵynyń basym bóliginde jaýyn-shashynsyz aýa raıy kútiledi. Respýblıkanyń tek batysy men soltústiginde frontaldy bólikterdiń yqpalynan – qar, ońtústiginde jaýyn-shashyn (jańbyr jáne qar túrinde) bolady. El boıynsha keı jerlerde tuman, jeldiń kúsheıýi, batysta – kóktaıǵaq, soltústikte – jaıaý burqasyn boljanady, dep habarlaıdy QazAqparat «Qazgıdromet» RMK-ǵa silteme jasap.
Atyraý oblysynyń batysy, shyǵysy men ortalyǵynda tuman, kóktaıǵaq kútiledi.
Qostanaı oblysynyń batysy men ortalyǵynda jaıaý burqasyn, soltústiginde tuman bolajanady.
Túrkistan oblysynyń ońtústigi men batysynda, sondaı-aq taýly, taý bókterli aýdandarynda tuman bolady. Taýly aýdandarda jel 15-20 m/s kúsheıedi.
Almaty oblysynyń ońtústigi men soltústiginde tuman kútiledi. Jalańashkól aýdanynda jeldiń kúshi 15-25 m/s artady.
Shyǵys Qazaqstan oblysynyń Jarma aýdanynda jel 15-23 m/s kúsheıedi.
Jambyl oblysynyń soltústiginde, taýly jáne taý bókterli aýdandarynda tuman boljanady. Kúndiz ońtústik-batysy men taýly aýdandarynda jeldiń jyldamdyǵy 15-20 m/s jetedi.
Aqmola oblysynyń soltústik-batysynda, Mańǵystaý oblysynyń batysy men ortalyǵynda, Soltústik Qazaqstan oblysynyń soltústiginde, Pavlodar oblysynyń shyǵysynda, Qyzylorda oblysynyń soltústigi men ortalyǵynda tuman kútiledi. Batys Qazaqstan oblysynyń soltústik-batysynda tuman, kóktaıǵaq bolady.
