12 qańtar. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER

12 qańtar JEKSENBІ Túrkimenstan Respýblıkasynyń eske alý kúni. 133 jyl buryn (1881) Geok-Tepın shaıqasy bastalyp, ol esepsiz qantógiske alyp keldi. Soǵysta sheıit bolǵandardyń qurmetine arnap, osy kún arýaqtarǵa bas ııý kúni bolyp sanalady. Tanzanııadaǵy Zanzıbar tóńkerisi kúni. 1964 jyly Zanzıbar sultany taqtan taıdyrylyp, álem kartasynda jańa memleket paıda boldy. Tanzanııa Afrıka qurylyǵyndaǵy eń bıik jer - Kılımandjaro janartaýymen, Tanganıka, Vıktorııa, Nıasa atty uly kólderimen erekshelenedi. Astanasy - Dar-as-Salam qalasy. Reseı Federatsııasy prokýratýra qyzmetkerleri kúni. Reseı Federatsııasy Prezıdentiniń 1995 jyldyń 29 jeltoqsanyndaǵy «Reseı Federatsııa prokýratýrasynyń qyzmetkerleri kúnin belgileý týraly» Jarlyǵyna sáıkes 1996 jyldan bastap atap ótedi. ESTE QALAR OQIǴALAR 92 jyl buryn (1922) Jetisýda alǵashqy Qazaq pedagogıkalyq ýchılışesi ashyldy. 21 jyl buryn (1993) Túrkııa úkimeti resmı túrde 1993 jyldy Qoja Ahmet ıAsaýı jyly dep jarııalady. 13 jyl buryn (2001) «Amanat» jýrnalynyń alǵashqy sany jaryq kórdi. 12 jyl buryn (2002) Almatyda qoǵam jáne memleket qaıratkeri Dinmuhamed Qonaevtyń murajaı úıi ashyldy. 24 jyl buryn (1990) Qazaqstan musylmandary dinı basqarmasy quryldy. 19 jyl buryn (1995) Prezıdent Jarlyǵymen qazaq ǵaryshkerleri T.Áýbákirovke, T.Musabaevqa «Halyq Qaharmany» ataǵy berilip, joǵary erekshelik belgisi - «Altyn Juldyz» tapsyryldy. 7 jyl buryn (2007) Elbasy Nursultan Nazarbaev «Oıyn kásipkerligi týraly», «Qazaqstan Respýblıkasynyń oıyn kásipkerligi máseleleri boıynsha keıbir zań aktilerine ózgerister jáne qosymshalar engizý týraly» Qazaqstan Respýblıkasynyń Zańdaryna qol qoıdy. 5 jyl buryn (2009) Astanada Elbasy Nursultan Nazarbaevtyń qatysýymen Qazaqstan Respýblıkasynyń Birinshi Prezıdentiniń alǵashqy Intellektýaldyq mektebi ashyldy. Zııatkerlik mektep balalardyń qabilettilikterin jáne jeke bas múddesin esepke alyp keń aýqymda bilim baǵdarlamalaryn beredi. Bul mektepte tsıfrly tehnıkamen jaraqtanǵan 24 smart-synyptar, 14 ınteraktıvti pándik kabınetteri, 4 fızıka, 6 mýltımedıa kabınetteri bar. Árbir oqýshy ınternetke shyǵatyn derbes noýtbýkpen qamtamasyz etilgen. 8 jyl buryn (2006) jazýshy-pýblıtsıst Myrzahan Ahmettiń urpaq tárbıesi men onyń sabaqtastyǵyna arnalǵan «Báıterektiń butaqtary» dep atalatyn jańa kitaby jaryq kórdi. Almatydaǵy «Toǵanaı T.» baspasynan shyqqan bul týyndynyń birinshi bóliminde Jambyl oblysynyń Jýaly aýdanyndaǵy «Shyńbulaq» aýlynda ómir súrip, 10 bala tárbıelep ósirgen soǵys ardageri, aqyn-azamat Meldebek Qoıbaqulynyń urpaq tárbıeleýdegi ónegeli isteri men azamattyq asyl qasıetteri, onyń zııaly ul-qyzdarynyń izgilikti isteri keńinen sóz etiledi. Atalmysh kitaptyń ekinshi bólimi Qazaqstan Respýblıkasy Ulttyq qaýipsizdik salasyndaǵy «Arystan» qyzmetiniń bastyǵy, general-maıor Seıitjan Meldebekulynyń qıyndyǵy men qyzyǵy mol kúrdeli jumysynyń san taraý ıirimderinen syr shertedi. Kitaptyń oqyrmandar úshin tanymdyq, taǵylymdyq jaǵy asa mol. 8 jyl buryn (2006) Qostanaıda «Qazaq Tulpary» atty respýblıkalyq memlekettik kásiporynnyń quramynan jylqylardyń genetıkasyn zertteıtin elimizdegi alǵashqy zerthana ashyldy. Zerthana asyl tuqymdy jylqylardyń jumysyn jaqsartýǵa múmkindik beredi. Kásiporyn jylqylardyń jańa tuqymyn jasap shyǵarýmen shuǵyldanady. Jańa tuqymnyń arǵy tegin zertteý selektsııany jyldamdatýǵa kómektesedi. Osy byǵattaǵy jumys eldiń ekonomıkasyna jáne Dúnıejúzilik saýda uıymynyń talaptaryna sáıkes belgilerdiń biri boldy. 8 jyl buryn (2006) Aqordada Elbasy Nursultan Nazarbaev pen Reseı Prezıdenti Vladımır Pýtın kezdesip, ekijaqty kelissózder júrgizdi. Osy kelissózderdiń barysynda Nursultan Nazarbaev pen Vladımır Pýtın Qazaqstan Respýblıkasy men Reseı Federatsııasynyń arasyndaǵy qazaqstandyq-reseılik memlekettik shekara jónindegi Shartty bekitý týraly gramotalarmen almasý hattamasyna qol qoıdy. 8 jyl buryn (2006) Semeıde «Spartak» ortalyq stadıonynda KSRO-nyń sport sheberi, belgili fýtbolshy Serǵazy Rymbaevqa arnalǵan memorıaldyq taqta ornatyldy. Serǵazy Rymbaev (1959-2005) barlyq ómirin fýtbolǵa arnady, 12 jyl jergilikti «Spartak» komandasynyń quramynda óner kórsetti. 312 match ótkizip, 18 dop soqqan. Semeılik «Elimaı» komandasynyń bapkeri, sodan keıin komandanyń bastyǵy boldy. 1996 jyly Qazaqstan chempıonatynda «Elimaı» komandasynyń bas bapkeri retinde qola júldege ıe boldy. 3 jyl buryn (2011) Azııa Olımpıadalyq keńesiniń shtab-páteri ornalasqan Ál-Kýveıtte VII qysqy Azııa oıyndarynyń Alaýy qazaqstandyq delegatsııaǵa saltanatty túrde tabys etildi.

4 jyl buryn (2010) Gaıtıde 100 000-nan astam adamnyń ómirin jalmaǵan jer silkinisi boldy.

ESІMDER 71 jyl buryn (1943) sýretshi, Qazaqstan Sýretshiler odaǵynyń múshesi ALShYMBAEV Sáýletaı Ábdirahmanuly dúnıege keldi. Shyǵys Qazaqstan oblysynda týǵan. I.Repın atyndaǵy Lenıngrad keskindeme, músin jáne sáýlet ınstıtýtyn bitirgen. 1979 jyly KSRO Sýretshiler odaǵyna múshelikke qabyldanǵan. Kóptegen búkilodaqtyq jáne respýblıkalyq kórmelerge qatysqan. Qylqalam sheberiniń «Sahmanshy», «Birinshi», «Qara qaǵaz», «Nan» týyndylary, «Mahambet», «Tús», «41 qumalaq», «Shoqan Ýálıhanovtyń jastyq shaǵy», «Kók bóri - Ana», t.b. músinderi bar. Onyń qolynan shyqqan kóptegen sýretteri men músinderi Á.Qasteev atyndaǵy Respýblıkalyq murajaıda tur. 51 jyl buryn (1963) Qazaqstan Respýblıkasynyń Amerıka Qurama Shtattaryndaǵy Tótenshe jáne Ókiletti Elshisi OMAROV Qaırat Ermekuly dúnıege keldi. Ózbekstanda týǵan. Almaty shet tilderi pedagogıkalyq ınstıtýtyn bitirgen. Ulybrıtanııa Syrtqy ister mınıstrliginde eńbek ótilinen ótken. Qazaqstan Ǵylym akademııasy Tarıh, etnografııa jáne arheologııa ınstıtýtynyń ǵylymı qyzmetkeri bolǵan. 1989-1991 jyldary - Qazaqstan Jazýshylar odaǵy janyndaǵy Kórkem aýdarma boıynsha Bas redaktsııalyq alqasynyń aǵylshyn tiline aýdarmalardyń bas redaktory. 1992-1994 jyldary - Qazaqstan Respýblıkasy Syrtqy ister mınıstrliginiń ekinshi, birinshi hatshysy, Eýropa jáne Amerıka bóliminiń meńgerýshisi. 1996-1998 jyldary - Qazaqstan Respýblıkasy Syrtqy ister mınıstrliginiń basqarma bastyǵy, Eýropa departamenti dırektorynyń orynbasary. 1998-2004 jyldary Qazaqstan Respýblıkasynyń AQSh-taǵy Elshiliginiń keńesshi-elshisi, Qazaqstan Respýblıkasy Syrtqy ister mınıstrliginiń aıryqsha tapsyrmalar jónindegi Elshisi bolǵan. 2004 jyly QR Prezıdenti Ákimshiliginiń Syrtqy saıasat ortalyǵynyń bas ınspektory. 2004-2008 jyldary QR-nyń Úndistan Respýblıkasyndaǵy Tótenshe jáne Ókiletti elshisi. 2008-2009 jyldary QR-nyń Shrı-Lanka Demokratııalyq Sotsıalıstik Respýblıkasyndaǵy Tótenshe jáne Ókiletti elshisi mindetin qosa atqarýshy. 2009-2013 - QR Syrtqy ister mınıstriniń orynbasary. Qazirgi qyzmetinde - 2013 jyldyń qańtarynan beri. «Qurmet» ordenimen, «Qazaqstan Respýblıkasynyń táýelsizdigine 10 jyl», «Qazaqstan Konstıtýtsııasyna 10 jyl», «Qazaqstan Parlamentine 10 jyl», «Astananyń 10 jyldyǵy» merekelik medaldarymen marapattalǵan. 85 jyl buryn (1929-2005) ekonomıka ǵylymynyń doktory, professor, Qazaqstan Respýblıkasynyń eńbek sińirgen ekonomısi ISAEVA Mýza Gavrılovna dúnıege keldi. Reseıde týǵan. Ózbek halyq sharýashylyǵy ınstıtýtyn bitirgen. Qazaqstan Ǵylym akademııasy Ekonomıka ınstıtýtynda ǵylymı qyzmetker, dırektordyń ǵylym jónindegi orynbasary, sektor, bólim meńgerýshisi, bas ǵylymı qyzmetkeri bolǵan. Ǵalymnyń 100-den astam ǵylymı jarııalanymy bar. Medaldarmen, Qazaq KSR Joǵarǵy Keńesiniń Qurmet gramotasymen marapattalǵan. 65 jyl buryn (1949) Qazaqstan Respýblıkasy Parlamenti Senatynyń depýtaty, Konstıtýtsııalyq zańnama, sot júıesi jáne quqyq qorǵaý organdary komıtetiniń tóraǵasy AQYLBAI Serik Baıseıituly dúnıege keldi. Qaraǵandy oblysynan saılanǵan Qazaqstan Respýblıkasy Parlamenti Senatynyń depýtaty. Jezqazǵan qalasynda dúnıege kelgen, qazaq. Qaraǵandy Memlekettik Ýnıversıtetiniń zań fakýltetin bitirgen, zańger. Zań ǵylymynyń kandıdaty. Saılanǵanǵa deıin Qazaqstan Respýblıkasynyń Joǵarǵy sotynyń sýdıasy, Qaraǵandy oblysynyń prokýrory bolyp eńbek istedi. Qazaqstan Respýblıkasy Prezıdentiniń janyndaǵy Azamattyq máseleleri jónindegi, Sybaılas jemqorlyqqa qarsy kúres máseleleri jónindegi komıssııalarynyń jáne Quqyqtyq saıasat jónindegi keńesiniń múshesi. Qazaqstan Respýblıkasy Úkimetiniń janyndaǵy zań jobalaý qyzmeti máseleleri jónindegi vedomstvoaralyq komıssııanyń, Memlekettik qyzmet isteri jónindegi ókiletti organnyń tártiptik komıssııasynyń, Shetelde turatyn otandastardyń isteri jóninde komıssııanyń múshesi. «Óńir» depýtattyq tobynyń, Túrkitildes elderdiń Parlamenttik assambleıasynyń múshesi. AQSh Kongresimen, Ispanııa Koroldiginiń Bas Kortester Senatymen, Kanada Senatymen, Katar memleketiniń Konsýltatıv Keńesimen, Malaızııa jáne Frantsııa Respýblıkasynyń Senatymen yntymaqtastyq toptarynyń múshesi. «Nur Otan» Halyqtyq Demokratııalyq partııasynyń múshesi Qazaqstan Respýblıkasynyń Qylmystyq is júrgizý kodeksi Túsiniktemesi avtorlarynyń biri. «Antıkorrýptsıonnaıa polıtıka v Respýblıke Kazahstan» (2006 j.) kitabynyń avtory. «Qurmet», TMD PAA-nyń «Sodrýjestvo» ordenderimen, KSR Joǵarǵy Keńesiniń Qurmet gramotasymen, bes medalmen marapattalǵan. 74 jyl buryn (1940) belgili jazýshy, dramatýrg, synshy, Qazaqstannyń eńbek sińirgen qaıratkeri DOSANOV Sábıt Aıtmuhanuly dúnıege keldi. Qostanaı oblysynda týǵan. Qazaq memlekettik ýnıversıtetin (ál-Farabı atyndaǵy Qazaq ulttyq ýnıversıteti) bitirgen. Eń tuńǵysh týyndysy - «Shabyndyq basynda» ekinshi synyptyń «Ana tili» oqýlyǵyna endi. Qalamgerdi elge tanymal etken týyndysy «Aq arýanany» basyp shyǵarǵanda ol 27 jasta bolatyn. Jazýshynyń eń alǵashqy kitaby «Qaıyrly tań» degen atpen 1966 jyly jaryq kórdi. Sodan keıin álem halyqtarynyń birneshe tilderine aýdarylǵan ondaǵan shyǵarmalary, sonyń ishinde «Taý joly», «Ekinshi ómir» atty romandary jazyldy. Birneshe kórkem shyǵarmalary 1981, 1988, 1999 jyldary Máskeýde jeke kitap bolyp shyqty jáne ózge tilderge aýdaryldy. 1998 jyly «Sanat» baspasynan «Jıyrmasynshy ǵasyr» atty jańa romany jaryq kórdi. S.Dosanov dramatýrgııa janrynda da jemisti eńbek etti. Onyń «Daýyl» atty alǵashqy pesasy elimizdiń kóptegen teatrlarynda jáne Qyrǵyzstan, Ózbekstan drama teatrlarynda qoıylyp, kórermenniń kózaıymyna aınaldy. Dramatýrgtiń kóptegen radıopesalary Qazaq radıosynyń altyn qorynda saqtaýly. Keıingi kezderi «Tozaq sheńberi» atty pesa jazyp shyqty. Ol óziniń ózgeshe formasymen, keıipker tańdaýymen, oı jańashyldyǵymen, sharyqtaý sheginiń sheber túıilýimen erekshelenedi. Reseı Federatsııasynyń Sholohov atyndaǵy halyqaralyq syılyǵynyń, Qyrǵyzstan Respýblıkasynyń «Altyn qalam» ádebı syılyǵynyń ıegeri. 2012 jyly jeltoqsanda QR Memlekettik syılyǵynyń laýreaty atandy. 64 jyl buryn (1950) Qazaqstan Respýblıkasynyń halyq ártisi, Parlament Májilisiniń depýtaty - Qazaqstan Respýblıkasy Parlamenti Májilisiniń Áleýmettik-mádenı damý komıtetiniń múshesi AHMADIEV Murat Ábdýreıimuly dúnıege keldi. QHR-dyń Sháýeshek qalasynda ómirge kelgen. 1961 jyly Ahmadıevtiń januıasy QazKSR-na qonys aýdardy. Án aıtýdy bala shaǵynan bastagan, 14 jasynda teledıdar arnasynda onyń birinshi 30 mınýttyq fılm-kontserti jaryq kórdi. Osy fılmnen keıin ánshiniń aty tek Keńes Odaǵyna emes, shetelge de tanymal boldy. 1965 jyly M.A. Ahmadıev M. Gorkıı atyndaǵy Máskeý kınostýdııasynda túsirilgen «O chem molchala taıga» atty kórkem fılmde kavkaz uly Aleshanyń rolinde, 1966 jyly ataqty rejısser Sh.Aımanovtyń «Zemlıa ottsov» fılmde Baıan atty uldyń rolinde oınaǵan, 1968 jyly «Taqııaly perishte» fılmniń túsirilýine qatysqan. 1975 jyly Qurmanǵazy atyndaǵy Almaty memlekettik konservatorııasynyń «horovoe dırıjırovanıe» mamandyǵy boıynsha joǵarǵy bilim aldy. Sol jyly, Qazaqstan Lenın komsomolynyń syılyǵynyń laýreaty, «ıAshlyk» vokaldyq-ınstrýmentaldyq ansamblin quryp jáne onyń kórkemdik jetekshisi boldy. 1984 jyldan 2007 jylǵa deıin TMD-ǵy jalǵyz kásiptik uıǵyr teatrynyń basshysy boldy. 1996 jyly sol uıǵyr teatrynyń burynǵy ǵımaratyna ótkizilgen qaıta jóndeý jumystarynyń bastamashysy jáne uıymdastyrýshysy boldy. 2002 jyly Elbasy N.A. Nazarbaevtyn qatysýymen atalǵan teatrdyń jańa ǵımaratynyń saltanatty ashylýy ótti. 2007 jyldan 2011 jylǵa deıin Qazaqstan Respýblıkasy Parlamenti Májilisiniń tórtinshi shaqyrylymynyń depýtaty. 1984 jyly «Qazaq KSR-niń eńbek sińirgen ártisi», 1998 jyly «Qazaq Respýblıkasynyń halyq ártisi» qurmetti ataqtaryna ıe boldy, 2005 jyly «Qurmet» jáne 2010 jyly «Parasat» ordenderimen marapattaldy. 2002 jyldan bastap Eýropa ýnıversıtetiniń ónertaný qurmetti doktory. Qazaqstan halqy Assambleıasy Keńesiniń múshesi. 78 jyl buryn (1936-2004) ǵalym-topyraqtanýshy, aýylsharýashylyǵy ǵylymdarynyń doktory, professor, Qazaqstan Respýblıkasy Ǵylym akademııasynyń korrespondent múshesi, Halyqaralyq topyraqtanýshylar qoǵamynyń múshesi, Qazaq topyraqtanýshylar qoǵamynyń prezıdenti, Qazaq KSR Memlekettik syılyǵynyń laýreaty AHANOV Jaqan Ýálısheruly dúnıege keldi. Qyzylorda oblysynda týǵan. M.Kırov atyndaǵy Qazaq memlekettik ýnıversıtetin (ál-Farabı atyndaǵy Qazaq Ulttyq ýnıversıteti) bitirgen. 1960-1984 jyldary - Qazaqstan Respýblıkasy Ǵylym akademııasy Topyraqtaný ınstıtýty dırektorynyń orynbasary, zerthana meńgerýshisi, ǵalym-hatshysy, Shý tirek pýnktiniń meńgerýshisi, kishi ǵylymı qyzmetkeri. 1984-2001 jyldary - Qazaqstan Respýblıkasy Ǵylym akademııasy Topyraqtaný ınstıtýtynyń dırektory. 1994-1996 jyldary - Qazaqstan Respýblıkasy Ǵylym akademııasy Bıologııa ǵylymdary bólimshesiniń akademık-hatshysy. 2001-2004 jyldary - Qazaqstan Respýblıkasy Ǵylym akademııasy Topyraqtaný ınstıtýtynyń bólim meńgerýshisi qyzmetterin atqarǵan. Kóptegen medaldarmen jáne Qazaq KSR Joǵarǵy Keńesiniń qurmet gramotasymen marapattalǵan. 53 jyl buryn (1961) Qazaqstan Respýblıkasy Parlamentiniń Májilisiniń depýtaty - Zańnama jáne sot-quqyqtyq reforma komıtetiniń múshesi. Zań ǵylymdarynyń doktory, professory ÁBDІROV Nurlan Májıtuly dúnıege keldi. Qaraǵandy oblysy Shet aýdanynyń Aqsý-Aıýly aýylynda týǵan. KSRO ІІM Qaraǵandy joǵary mektebin bitirgen. Zań ǵylymdarynyń doktory, professor. 1982-1984 jyldary - KSRO ІІM Qaraǵandy joǵary mektebiniń oqytýshysy bolyp jumys istegen. 1984-1987 jyldary - KSRO ІІM Búkilodaqtyq ǵylymı-zertteý ınstıtýtynyń adıýnkti. 1987-1997 jyldary - QR ІІM Qaraǵandy joǵary mektebiniń oqytýshysy, aǵa oqytýshysy, dotsent, qylmystyq quqyq jáne krımınologııa kafedrasy bastyǵynyń orynbasary. 1997-2000 jyldary - Esirtkini baqylaý jónindegi QR Memlekettik komıssııasynyń hatshysy. 2000-2001 jyldary - QR Nashaqorlyqqa jáne esirtki bıznesine qarsy kúres agenttigi tóraǵasynyń orynbasary. 2001-2002 jyldary - QR Ádilet mınıstrligi Nashaqorlyqqa jáne esirtki bıznesine qarsy kúres komıteti tóraǵasynyń orynbasary. 2002-2005 jyldary - QR Qaýipsizdik Keńesi Hatshylyǵynyń sektor meńgerýshisi, memlekettik ınspektor, Qoǵamdyq jáne ekologııalyq qaýipsizdik bóliminiń meńgerýshisi, QR Qaýipsizdik Keńesi Hatshylyǵy meńgerýshisiniń orynbasary. 2005-2009 jyldary - QR Qaýipsizdik Keńesi Hatshysynyń orynbasary - QR Qaýipsizdik Keńesi Hatshylyǵynyń meńgerýshisi. 2009-2011 jyldary - tórtinshi saılanǵan Qazaqstan Respýblıkasy Parlamenti Májilisiniń depýtaty. 2012 jylǵy qańtardan bastap - besinshi saılanǵan Qazaqstan Respýblıkasy Parlamenti Májilisiniń depýtaty, «Nur Otan» Halyqtyq Demokratııalyq partııasynyń múshesi, partııalyq tizim boıynsha saılanǵan.

«Qurmet» ordenimen, «Ulttyq qaýipsizdikti qamtamasyz etýdegi úlesi úshin» medalimen nagradtalǵan. 62 jyl buryn (1952) Jambyl atyndaǵy Qazaq memlekettik fılarmonııasynyń dırektory ÓTEÝOV Muhtar Jamashuly dúnıege keldi. Almaty oblysy Jambyl aýdanynyń Úńgirtas aýylynda týǵan. Qurmanǵazy atyndaǵy Almaty memlekettik konservatorııasynyń orkestr fakýltetin bitirgen (1976), soqpaly aspaptar, kontserttik oryndaýshy, orkestrdiń solısi, oqytýshy. Qurmanǵazy atyndaǵy Qazaq ulttyq konservatorııasynyń professory (1997 jyldan). Halyqaralyq aqparattandyrý akademııasynyń akademıgi (2003 jyldan). «Ksılofonǵa arnalǵan hrestomatııa (Qazaqstan kompozıtorlarynyń shyǵarmalarynan)» (1986), «Ǵasyrdan - ǵasyrǵa» (2000) kitaptarynyń, «Otyrar sazy» orkestri jaıly, memlekettik kvartet jaıly, sondaı-aq fılarmonııanyń mereıtoıyna arnalǵan maqalalardyń avtory. Qazaq, orys, uıǵyr jáne aǵylshyn (sózdikpen) tilderin biledi. 1971 jyldan -Abaı atyndaǵy Memlekettik akademııalyq opera jáne balet teatrynyń ártisi. 1976 jyldan - Qyzyl týly ortaazııalyq áskerı okrýg shtabynyń orkestrinde qyzmette. 1977 jyldan - Jambyl atyndaǵy Qazaq memlekettik fılarmonııasynyń soqpaly aspaptar tobynyń kontsertmeısteri, sımfonııalyq orkestriniń nusqaýshysy. 1978 jyldan beri - Qurmanǵazy atyndaǵy Qazaq ulttyq konservatorııasynyń oqytýshysy. 1989 jyldan -Jambyl atyndaǵy Qazaq memlekettik fılarmonııasynyń bas dırektory. 2006 jyldan - Mádenı saıasat jáne ónertaný ınstıtýtynyń dırektory. 2007 jyldan - Qurmanǵazy atyndaǵy Qazaq ulttyq konservatorııasynyń professory. 2010 jyldan beri - Jambyl atyndaǵy Qazaq memlekettik fılarmonııasynyń dırektory. Qazaqstan Mýzyka qaıratkerleri qoǵamynyń múshesi (1976- 1998). «Qurmet» (2001), «Mıhaıl Lomonosov» (2006) ordenderimen; «Qazaqstan Respýblıkasynyń Táýelsizdigine 10 jyl» (2001) medalimen; QR Prezıdentiniń Qurmet gramotasymen marapattalǵan. QazKSR Eńbek sińirgen ártisi (1987). 47 jyl buryn (1967) Soltústik Qazaqstan oblysy ákiminiń orynbasary BALAHONTsEV Vladımır Nıkolaevıch dúnıege keldi. Soltústik Qazaqstan oblysy Jambyl aýdanynyń Arhangelka aýylynda týǵan. 1991 jyly Oral orman tehnıkalyq ınstıtýtyn jáne 2001 jyly Qazaq memlekettik zań akademııasyn orman sharýashylyǵynyń ınjeneri jáne zańger mamandyqtary boıynsha bitirgen. Eńbek jolyn 1990 jyly Oral orman tehnıkalyq ınstıtýtynyń BLKJO komıteti hatshysynyń orynbasary bolyp bastady. 1991-2000 jyldary - Soltústik Qazaqstan oblysy orman sharýashylyǵy kásipornynyń orman qorǵaý ınjeneri, bas ormanshysy, dırektory bolyp jumys istegen; 2000-2002 jyldary - Soltústik Qazaqstan oblysy janýar jáne ósimdik álemine memlekettik baqylaýdyń oblystyq aýmaqtyq basqarmasynyń bastyǵy; 2002-2004 jyldary - Soltústik Qazaqstan oblysy orman jáne, ańshylyq sharýashylyǵynyń oblystyq aýmaqtyq basqarmasynyń bastyǵy; 2004-2007 jyldary - Soltústik Qazaqstan oblysy Esil aýdanynyń ákimi; 2007-2008 jyldary - Soltústik Qazaqstan oblysy ákiminiń orynbasary; 2008-2012 jyldary - Aqmola oblysy Býrabaı aýdanynyń ákimi. 2012 jyldyń jeltoqsanynan bastap osy taǵaıyndalýǵa deıin Soltústik Qazaqstan oblysy Jambyl aýdanynyń ákimi laýazymynda bolǵan. 2013 jyldyń aqpanynda SQO ákiminiń orynbasary bolyp taǵaıyndaldy. 138 jyl buryn (1876-1916) amerıkandyq jazýshy Djek LONDON dúnıege keldi. 98 jyl buryn (1916-2006) Ońtústik Afrıka Respýblıkasynyń prezıdenti Bota Pıter Vıllem dúnıege keldi. 78 jyl buryn (1936) keńestik jáne latysh kompozıtory, pıanıst, KSRO halyq ártisi PAÝLS Oıar Raımond Voldemarovıch dúnıege keldi.