12 eýropalyq fýtbol klýby Sýperlıga quratyny týraly jarııalady
NUR-SULTAN. QazAqparat – On eki eýropalyq jetekshi fýtbol klýby Sýperlıga quratyny týraly málimdedi. Bul týraly AFP agenttigi uıymnyń baspasóz habarlamasyna silteme jasap habarlaıdy.
Aǵylshyndyq «Manchester ıÝnaıted», «Manchester Sıtı», «Tottenhem», «Lıverpýl», «Chelsı» jáne «Arsenal», ıspandyq «Barselona», «Atletıko» jáne «Real», ıtalıandyq «Mılan», «Inter» jáne «ıÝventýs» jańa týrnırdi qurýshy músheler qataryna kirdi.
«Eýropanyń on eki jetekshi klýby búgin jańa Sýperlıga týrnırin qurý týraly kelisimge keldi. Oıyndar apta ortasynda ótpek, týrnırdi qurýshy klýbtar basqarady, - delingen baspasóz habarlamasynda. – Taǵy úsh klýb jaqyn arada bastalatyn birinshi maýsym aldynda qurýshylar qataryna kirmek».
Buǵan buryn Eýropa fýtbol odaǵy qaýymdastyǵy (ÝEFA), Anglııa, Ispanııa jáne Italııa elderi ulttyq fýtbol federatsııalary basshylyǵy jáne osy elder chempıonaty Sýperlıganyń qurylýyna qarsy shyqqan edi. Onda bul klýbtardyń ulttyq týrnırler músheleri qatarynan shyǵarylatyny jáne aldaǵy ýaqytta ÝEFA atynan oınaı almaıtyny jóninde aıtyldy.
«Qurýshy klýbtar jańa týrnır, jalpy fýtbol bolashaǵyn jaqsartý úshin ÝEFA jáne Halyqaralyq fýtbol federatsııasymen (FIFA) birlesken áriptestikti talqylaý múmkindigin kútip otyr», - delingen baspasóz habarlamasynda.
«Real» prezıdenti Florentıno Peres sýperlıga basshysy boldy, vıtse-prezıdentter – Andrea Anellı («ıÝventýs») jáne Djoel Gleızer («Manchester ıÝnaıted»).
