12 balanyń anasy: Eshkimge qol jaıǵan joqpyz
12 bala ósirip otyrǵan Cherkashınder otbasy Óskemenge byltyr ǵana kóship kelgen eken. Buǵan deıin Altaı aýdanynda turypty. Qazir oblys ortalyǵyndaǵy Ablaket kentinde turyp jatyr.
«Joldasym «Qaztsınk» kásipornynda jumys istedi. Sondyqtan joqshylyq kórgen kezimiz joq. Al munda kelgeli jeke kásippen aınalysyp júr. Úıimiz taýdyń eteginde. 0,2 gektar baqshamyz bar. Azdap eshki ustaımyz. Qyzdar sony saýyp, sútin satady. Uldar qoradan shyqpaıdy. Balanyń kóp bolǵany qolyńdy jumystan bosatady. Buǵan deıin eshkimge qol jaıǵan joqpyz. Budan ári de jaıǵyzbaı-aq qoısyn» - dedi kópbalaly ana Evgenııa Cherkashına.
Otaǵasy úıdi 12 balaǵa laıyqtap, keńeıtip jatqanyn aıtty. Jergilikti kásipkerlerdiń biri sol úshin qurylys materıaldaryn satyp ápergen eken. 12 balanyń biri ákimdik usynǵan jeńildikke sáıkes, Óskemendegi pedagogıkalyq kolledjde tegin bilim alýda.
Gúlshara Ábdiqalyqova atalmysh ıgilikti iske kómek retinde eńbekqor otbasyǵa 150 myń teńgeniń qarjylaı sertıfıkatyn tabystady.
Eske sala keteıik, Gúlshara Ábdiqalyqova qonys toıyn toılap jatqan taǵy bir óskemendik otbasyǵa kórimdik retinde aqshalaı sertıfıkat tabystaǵandyǵy týraly habarlaǵan bolatynbyz.
