12 balaǵa júkti áıel rekordty jańartýǵa bel býdy
ASTANA. 25 sáýir. QazAqparat - Týnıstik muǵalim áıeldiń kúıeýge shyqqanyna kóp ýaqyt bolǵanymen, bala týa almapty. Bala kótergenimen, birneshe túsik tastaǵan.
Kúıeýi ekeýi aqyldasa kele jasandy uryqtandyrý jolymen bala kóterýdi qalaıdy. Pravda.Rý-dyń jazýynsha, ýltradybystyq tekserýge (ÝZI) barǵanda álgi áıel 12 balaǵa júkti bolyp shyǵypty. Bul týraly Jas Alash gazeti jazdy.
Dárigerler ekiqabat áıelge: "Bul sharanalardyń barlyǵy tiri bolmaýy múmkin nemese densaýlyqtarynan kinárat tabylýy da ǵajap emes", - dep qazirden bastap eskertip jatyr. Qaıtken jaǵdaıda da áıel barlyq sharanany týýǵa bel baılap otyr.
Eger týnıstik áıel 12 sábıdi aman-esen dúnıege ákelse, ol álemde egiz týýdan rekord jasaıdy. Al ázirshe densaýlyǵy myqty 8 balany egizdete-segizdete ómirge ákelgen amerıkandyq Nade Sýleman rekord jasaý jóninen birinshi orynda tur. Ol da jasandy uryqtandyrý jolymen týǵan.
