12 avtomat, 41 tapansha, 75 myltyq, 36 granata tabyldy — UQK
ASTANA. KAZINFORM – Jyl basynan UQK polıtsııa jáne prokýratýra organdarymen birlesip 12 avtomat, 41 tapansha, 75 myltyq, 36 granata jáne ártúrli kalıbrdegi 1 603 oq-dári tárkiledi. Bul týraly UQK baspasóz qyzmeti habarlady.
Bul qarýdyń edáýir bóligi «Qańtar oqıǵasy» kezinde urlanǵan (barlyǵy 2022 jyldan bastap UQK daǵdarys kezeńinde joǵalǵan 608 qarý tárkilegen).
Osylaısha, arsenaldyń destrýktıvti ortaǵa túsý jáne ony qoǵam men memlekettiń múddelerine qarsy paıdalaný qaýpi tómendetildi.
Sonymen qatar, Qazaqstan aýmaǵyna qarýdy zańsyz ákelý faktileri tirkelip jatyr.
— UQK kórshi elden keletin qarý kontrabandasy arnasynyń jolyn kesip, el aýmaǵynda on qarýdy satýǵa nıettengen sheteldik azamatty ustady. Qarý-jaraq kóliktiń qaptamasyna aılakerlikpen jasyrylyp, ári QR azamattary arasyndaǵy sybaılastardyń kómegimen jetkizilgen, — delingen habarlamada.
Aıta ketelik birneshe oblysta qańtar oqıǵasy kezinde urlanǵan qarý-jaraqtar tabylǵan edi.