12 aqpanǵa arnalǵan aýa raıy boljamy
ASTANA. QazAqparat - Atmosferalyq fronttardyń ótýine baılanysty 12 aqpan kúni respýblıkanyń soltústik-batysynda keı jerlerde qar jaýady. Ońtústikte jáne ońtústik-batysta azdaǵan jaýyn-shashyn kútiledi. Qazaqstannyń basqa aımaqtarynda jaýyn-shashynsyz aýa raıy saqtalady. Keı jerlerde tuman men jeldiń kúsheıýi boljanady, respýblıkanyń soltústik-batysynda jaıaý burqasyn bolady. Bul týraly «Qazgıdromet» RMK habarlady.
Atap aıtqanda, Almaty oblysynyń Jalańashkól aýdanynda 18-23 m/s ekpindegi jel saqtalady, túnde tuman bolady.
Jambyl oblysynyń keı jerlerinde tuman, 15-20 m/s jyldamdyqta jel kútiledi.
Mańǵystaý oblysynda tuman men kóktaıǵaq boljanady.
Qostanaı oblysynda keı jerlerde jaıaý burqasyn men tuman kútiledi.
Aqmola, Batys Qazaqstan, Qyzylorda, Atyraý, Soltústik Qazaqstan, Pavlodar, Qaraǵandy, túnde Shyǵys Qazaqstan oblystarynyń keı jerlerinde sondaı-aq tumandy bolady.
