12 aqpanǵa arnalǵan aýa raıy boljamy - Qazgıdromet
ASTANA. QazAqparat - 12 aqpan kúni respýblıka aýmaǵynyń basym bóliginde burynǵysha atmosferalyq frontaldyq aǵyndardyń ótýine baılanysty aýa raıynyń turaqsyzdyǵy saqtalady, jer-jerlerde qar, boran, qatty jel kútiledi. Bul týraly «Qazgıdrometke» silteme jasap, QR TJM baspasóz qyzmetinen habarlandy.
Aqmola, Qaraǵandy oblystarynyń keıbir jerlerinde jeldiń ekpini kúsheıip, 15-20 m/s-qa deıin barady. Qostanaı oblysynyń birqatar jerlerinde boran soǵyp, túnde jáne tańerteń tuman túsýi yqtımal. Almaty, Ońtústik Qazaqstan, Mańǵystaý, Atyraý, Jambyl oblystarynyń keı jerlerinde tuman túsip, ekpini 15-20 m/s bolatyn jel soǵady.
Túnde Almaty, Jambyl oblystarynyń keıbir jerlerinde qatty aıaz bolady dep kútilýde.
