12 aqpanda Qazaqstanda ótetin mańyzdy oqıǵalarǵa sholý
ASTANA. QazAqparat - «QazAqparat» halyqaralyq aqparat agenttigi Qazaqstanda 12 aqpan kúni ótetin mańyzdy sharalar sholýyn usyndy.
ASTANA
10.00-de «Úkimet úıinde» 2019 jyldyń alǵashqy aıyndaǵy áleýmettik-ekonomıkalyq damýy men QR respýblıkalyq bıýdjetiniń atqarylý qorytyndylaryna jáne sý tasqynynyń aldyn alýǵa daıyndyq sharalaryna arnalǵan Úkimet otyrysy bastalady.
10.00-de Qazaqstannyń Turǵyn úı qurylys jınaq bankiniń ortalyq fılıalynda muǵalimder men dárigerlerge, polıtsııa qyzmetkerlerine alǵashqy turǵyn úı sertıfıkattary beriledi.
15.30-de Senatta Ekonomıkalyq saıasat, ınnovatsııalyq damý jáne kásipkerlik komıtetiniń keńeıtilgen otyrysy ótedi.
16.00-de Qazaqstan Respýblıkasynyń Prezıdenti - Elbasy kitaphanasynda Jastar jylyna arnalǵan «Uly dala jastary» atty mádenı-kórmelik is-sharalar toptamalarynyń saltanatty ashylýy ótedi.
16.00-de Nazarbaev ortalyǵynda tanymal shved ekonomısi, Geterbor ýnıversıtetiniń Ǵalamdyq zertteýler mektebiniń jetekshisi, professor ıAn Aart Sholte qazaqstandyq stýdentter men sarapshylarǵa «Jahandyq basqarýdaǵy ókilettilik» taqyrybynda dáris ótkizedi.
18.30-da Kinopark 8 Imax Saryarka kınoteatrynda Kann kınofestıvali men «Nıka» syılyǵynyń laýreaty Sergeı Dvortsevoıdyń «Aıka» kórkem fılminiń premerasy ótedi.
ALMATY
14.00-de Qazaqstannyń Baspasóz klýbynda BAÁ Ábý-Dabı qalasynda ótetin Búkilálemdik jazǵy arnaıy olımpıada oıyndaryna Qazaqstan quramasynyń qatysýy týraly baspasóz máslıhaty ótedi.
KÓKShETAÝ
Saǵat 11:00-de Óńirlik kommýnıkatsııalar qyzmetinde «Qazaqstannyń ulttyq banki» AQ Aqmola oblystyq fılıaly dırektorynyń orynbasary Gúlnar Omarova jáne «Baspana» ıpotekalyq uıymy» AQ aýmaqtyq dırektory Tolqyn Nurmahın ««7-20-25» ár bir otbasyna baspana alýdyń jańa múmkindikterin berý» taqyrybynda brıfıng ótkizedi.
Saǵat 15:00-de - Óńirlik kommýnıkatsııalar qyzmetinde «Aqmola oblysy sottarynyń 2018 jyldyń jumys qorytyndysy» taqyrybynda brıfıng ótedi. Brıfıngke Aqmola oblystyq sotynyń tóraǵasy Dosjan Ámirov, Aqmola oblystyq sotynyń azamattyq ister jónindegi sot alqasynyń tóraǵasyErlan Janádilov Aqmola oblystyq sotynyń qylmystyq ister jónindegi sot alqasynyń tóraǵasy Radjab Damınov qatysatyn bolady.
