12 aqpanda elordada ótetin mańyzdy sharalar ańdatpasy
NUR-SULTAN
11.00-de Nur-Sultan qalasy ákimdiginiń baspasóz ortalyǵynda «Nur-Sultan qalasynyń Qoǵamdyq keńesi jumysynyń qorytyndysy jáne 2021 jylǵa arnalǵan jospar» taqyrybynda onlaın brıfıng ótedi.
Spıkerler: Qoǵamdyq keńes tóraǵasy Sansyzbaı Esilov pen Qoǵamdyq keńes hatshysy Muhtar Erketaev.
Onlaın baspasóz konferentsııasy ákimdiktiń Facebook-tegi paraqshasynda tikeleı efırde ótedi.
11:00-de UQK Shekara qyzmetiniń Instagram akkaýntynda tikeleı efırde Memlekettik shekarany kesip ótý máseleleri boıynsha onlaın konferentsııa ótedi.
11:00-de QR Básekelestikti qorǵaý jáne damytý agenttigi «Elektr energııasy naryǵynda básekelestikti damytý tutynýshylardyń energııamen jabdyqtaýshy uıymdardy tańdaý quqyqtaryn iske asyrýdyń kepili retinde» taqyrybynda onlaın rejıminde Open Ѕrase ótedi.
Open Space alańyna qatysýshylar: Básekelestikti qorǵaý jáne damytý agenttiginiń tóraǵasy Serik Jumanǵarın, «Astanaenergosbyt» JShS-nyń bas dırektory
Aleksandr Zınkevıch, «Elektr energııasy jáne qýat naryǵynyń Qazaqstandyq operatory» AQ-nyń basqarma tóraǵasy Baqytjan Іlııas, «Samuryq-Energo» AQ naryqty damytý departamentiniń bas menedjeri Darhan Ahmetov jáne elektrmen jabdyqtaý naryǵynyń basqa da ókilderi.
12:00-de Halyqaralyq Túrki akademııasy «Tulǵalar taǵylymy» jobasy aıasynda túrki áleminiń tuǵyrly tulǵasy, kórnekti ǵalym, memleket jáne qoǵam qaıratkeri Zákı Ýálıdı Toǵannyń ómiri men shyǵarmashylyǵyna arnalǵan «Zákı Ýálıdı Toǵan: ǵalym, saıasatker, tulǵa» atty shara ótkizedi.
Alqaly jıynǵa túrki elderiniń tanymal ǵalymdary men zııaly qaýym ókilderi qatysady.
15:00-de «Ulttyq aqparattyq tehnologııalar» AQ-da «Smart Data Ukimet» - memlekettiń sandyq transformatsııasy jáne bıznestiń damýy taqyrybynda ótetin onlaın brıfıng ótedi. «Big Data» blogynyń memlekettik organdarymen ózara is-qımyl departamentiniń dırektory Sergeı Pýtra úlken derekterdi taldaýdyń qazaqstandyq quraly týraly aıtady jáne qatysýshylardyń suraqtaryna jaýap beredi.
15.00-de Qazaqstan Respýblıkasy Ekologııa, geologııa jáne tabıǵı resýrstar mınıstrliginiń alqa jınalysy ótedi. Kún tártibine sáıkes ótken jylǵy atqarylǵan jumys qorytyndylary men 2021 jylǵa arnalǵan josparlar talqylanady. Otyrys onlaın rejımde kórsetiledi.
16:00-de elordalyq Dostyq úıiniń májilis zalynda Nur-Sultan qalasy ákiminiń orynbasary Baqtııar Mákenniń tóraǵalyq etýimen jergilikti atqarýshy organdardyń, etnomádenı birlestikterdiń, elordalyq Assambleıanyń qoǵamdyq qurylymdary basshylarynyń qatysýymen Nur-Sultan qalasy Qazaqstan halqy Assambleıasy keńesiniń keńeıtilgen otyrysy ótedi. Qazaqstan Respýblıkasy Táýelsizdiginiń 30 jyldyǵyn merekeleý jáne etnosaralyq qatynastar salasyndaǵy Modeldik vedomstvoaralyq jospardy iske asyrý máseleleri talqylanady, sondaı-aq qalalyq Assambleıa «Rızashylyq marafonyn» bastaýǵa ruqsat beredi.
