12 aqpanda eldegi qaı joldar jabyq

ALMATY. KAZINFORM — «QazAvtoJol» ulttyq kompanııasy eldegi joldardyń qazirgi ahýaly týraly habarlady.

Qolaısyz aýa raıyna baılanysty respýblıkalyq mańyzy bar kelesi avtojol ýchaskelerinde qozǵalys shekteldi:

Almaty oblysy

• «RF shekarasy — Mártók — Aqtóbe — Qarabutaq — Qyzylorda — Shymkent — Taraz — Qordaı — Almaty — Qorǵas — QHR shekarasy», 59-143-shaqyrym (Jańaqurylys aýyly — Jambyl oblysynyń shekarasy).

Jambyl oblysy

• osy joldyń 143-214-shaqyrym aralyǵy (Almaty oblysynyń shekarasy — Qordaı aýyly);
• osy joldyń 159-238-shaqyrymy (Kenen aýyly — Qaınar aýyly);
• osy joldyń 534-593 shaqyrymy (Aısha-bıbi aýyly — Túrkistan oblysynyń shekarasy).

Túrkistan oblysy

• osy 593-654-shaqyrymy (Jambyl oblysynyń shekarasy — Mashat aýyly).

Pavlodar oblysy

• «Atameken — Aqsý — Kóktóbe — Kýrchatov», 25-220-shaqyrym (Aqsý qalasy — Abaı oblysynyń shekarasy);
• KZ14-01 «Pavlodar — Sharbaqty — RF shekarasy», 0-112 shaqyrym (Pavlodar qalasy — RF shekarasy);
• Sondaı-aq jolaıryq kópiriniń aralyq qurylysynyń shetki arqalyqtary zaqymdanýyna baılanysty «Astana — Shiderti — Pavlodar — Ýspenka — RF shekarasy» avtojolyndaǵy «Qalqaman» jolaıryǵy ýchaskesinde (Qalqaman kentine kireberis pen Astana baǵytyna shyǵar jol) qozǵalys shektelgen.

ShQO-daǵy shekteý

Osınov asýynda tirkemesi bar jáne jartylaı tirkemeli júk kólikteriniń qozǵalysy ýaqytsha shekteldi. Shekteý «Óskemen — Altaı — Katonqaraǵaı — Rahman qaınary» avtojolynyń 46-66-shaqyrymyndaǵy (Severnoe aýyly — Serebrıansk qalasy) ýchaskesinde qys aıaqtalǵansha saqtalady.

Eske salaıyq, buǵan deıin sınoptıkter aldaǵy kúnderi keı óńirde 33 gradýs aıaz bolatynyn boljaǵan edi.