12 aqpan. Tulǵalar týǵan kún
Búgin, 12 aqpan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
73 jyl buryn (1951) Halyqaralyq jyrshy, termeshi jáne aıtys aqyndary odaǵynyń tóraǵasy, aqyn, jýrnalıst, qazirgi aıtys óneriniń uıymdastyrýshysy, Qazaqstan Respýblıkasynyń eńbek sińirgen qaıratkeri Júrsin Moldashuly ERMAN dúnıege keldi.
Qaraǵandy oblysy Ulytaý aýdanynda týǵan. S.M.Kırov atyndaǵy Qazaq memlekettik ýnıversıtetin (qazirgi ál-Farabı atyndaǵy Qazaq ulttyq ýnıversıteti), Almaty joǵary partııa mektebin bitirgen. 1980 jylǵa deıin Jezdi aýdany «Oktıabr týy» gazetiniń ádebı qyzmetkeri, 1971-1978 jyldary Jezqazǵan oblystyq teleradıokomıtetiniń aǵa redaktory, 1978-1980 jyldary Jezqazǵan oblystyq teleradıokomıtetiniń bas redaktory. 1982-1992 jyldary Qazaq respýblıkalyq teledıdarynyń bas redaktory, 1992-1996 jyldary «Qazaq ádebıeti» gazetiniń, «Juldyz» jýrnalynyń bólim meńgerýshisi, «Qazaq memleketi» gazeti bas redaktorynyń birinshi orynbasary, «Qazaqstan qanaty» - «Krylıa Kazahstana» gazetiniń bas redaktory qyzmetterin atqardy. 1997-2003 jylǵa deıin shyǵarmashylyq jumysta boldy. 2003-2006 jyldary L.N.Gýmılev atyndaǵy Eýrazııa ulttyq ýnıversıteti gýmanıtarlyq ǵylymı-zertteý ortalyǵynyń jetekshi ǵylymı qyzmetkeri, zerthana meńgerýshisi, 2006-2007 jyldary «Qazaqstan» respýblıkalyq teleradıokorporatsııasy AQ Basqarma tóraǵasynyń orynbasary - Qazaq radıosynyń bas dırektory. 2007-2009 jyldary «Qazaqstan» respýblıkalyq teleradıokorporatsııasy AQ Basqarma tóraǵasynyń keńesshisi qyzmetterin atqarǵan. 2009 jyldan bastap - «Almatyqurylys» Ulttyq holdıng kompanııasy aktsıonerlik qoǵamy prezıdentiniń keńesshisi. Tuńǵysh óleńder jınaǵy - «Janartaý» 1983 jyly jaryq kórdi. «Araıly kún armysyń», «Ulytaýǵa bardyń ba?..», «Qudiretke júginý» , «Eki tizgin, bir shylbyr» atty kitaptardyń avtory. Óleńderi men poema, balladalary adam, onyń jan dúnıesi, rýhanı qudylyqtaryn ózek etedi. Júrsin Ermanov qazaqtyń atamura óneri - aqyndar aıtysyn qaıta jańǵyrtý, ony teledıdar men radıoda nasıhattaý isinde aıtarlyqtaı jumystar atqardy. Aqyndardy 1984 jyldan úlken sahnaǵa shyǵaryp, halyq ónerin, ulttyq rýhty kóterýge úles qosty. Aqyndar aıtysyn jınaqtap jarııalaý, zertteý jumystaryn júrgizip, «Qazirgi aıtystar» (2005, Astana, 2 tom) jınaǵyn qurastyrdy. Birneshe beıne, aýdıokasseta, dıskileri jaryqqa shyqqan. Qazaqstan Jazýshylar odaǵynyń Muqaǵalı Maqataev atyndaǵy syılyǵynyń eki márte ıegeri. Halyqaralyq qazaq tili qoǵamynyń múshesi. Qaraǵandy oblysy Ulytaý aýdanynyń Qurmetti azamaty.
61 jyl buryn (1963) jazýshy, Qazaqstan Jazýshylar odaǵynyń múshesi, Halyqaralyq «Alash» ádebı syılyǵynyń, T.Aıbergenov atyndaǵy syılyqtyń laýreaty Asqar ALTAI dúnıege keldi.
Shyǵys Qazaqstan oblysynda týǵan. Almaty memlekettik ýnıversıtetin bitirgen. Almaty oblysy Kúrti aýdandyq «Shuǵyla» gazetiniń tilshisi, S.Muqanov murajaı-úıiniń kishi ǵylymı qyzmetkeri, Qazaq teledıdary «Alataý» baǵdarlamasynyń jaýapty redaktory, «Juldyz» jýrnaly ádebı syn bóliminiń redaktory, bólim meńgerýshisi, «Er-Dáýlet» aqparat agenttigi bas redaktorynyń orynbasary qyzmetterin atqarǵan. Qazaqstan Respýblıkasy Qarjy mınıstrliginiń «Qarjy-qarajat» jýrnaly bas redaktorynyń orynbasary, bas redaktory, «Bilim» baspasynyń jetekshi redaktory bolǵan. Jazýshynyń «Qyr men qala hıkaıalary» atty povester men áńgimeler jınaǵy, «Altaı novellasy» atty prozalyq jınaǵy jaryq kórgen. «Qyzyl bóltirik» kitaby Halyqaralyq Soros qorynyń bas júldesin alǵan.
59 jyl buryn (1965) Qazaqstan Respýblıkasy Qorǵanys mınıstriniń birinshi orynbasary - QR Qarýly kúshteri Bas shtabynyń basshysy Sultan Búrkitbaıuly KAMALETDINOV dúnıege kelgen.
Astrahan oblysynda (RF) týǵan. Tashkent joǵary tank ýchılışesin bitirgen; Tankige qarsy áskerler áskerı akademııasynyń tyńdaýshysy; Reseı Federatsııasy Qarýly Kúshteri Bas shtabynyń Áskerı akademııasynyń tyńdaýshysy.
Eńbek joly: 1986-2005 jyldary Germanııadaǵy keńes áskerleri tobynyń tank dıvızııasynyń gvardııalyq tank polkiniń tank vzvody komandıri; tank batalony komandıriniń orynbasary – shtab bastyǵy, tank batalony komandıri, tank polkiniń komandıri, mehanıkalandyrylǵan dıvızııa komandıriniń orynbasary – shtab bastyǵy, mehanıkalandyrylǵan brıgada komandıri, 2006-2008 jyldary «Shyǵys» óńirlik qolbasshylyǵy ásker qolbasshysy basqarmasynyń shtaby bastyǵynyń orynbasary, «Ońtústik» ÓQ ásker qolbasshysynyń áskerı daıyndyq jónindegi orynbasary, 2010-2012 jyldary «Ońtústik» ÓQ ásker qolbasshysy basqarmasy shtabynyń bastyǵy – qolbasshynyń birinshi orynbasary, 2012-2013 jyldary «Astana» ÓQ ásker qolbasshysy basqarmasy shtabynyń bastyǵy – qolbasshynyń birinshi orynbasary, 2013-2016 jyldary «Astana» ÓQ ásker qolbasshysy, 2016-2019 jyldary QR Qorǵanys mınıstrligi Qarýly Kúshteriniń Qurlyqtaǵy áskerler bas qolbasshysynyń birinshi orynbasary, 2019-2021 jyldary QR Tuńǵysh Prezıdenti – Elbasy atyndaǵy Ulttyq qorǵanys ýnıversıtetiniń basshysy qyzmetin atqardy.
2024 jyldyń qańtar aıynan bastap qazirgi qyzmetinde.
52 jyl buryn (1972) Qazaqstan Respýblıkasy Joǵary esep palatasynyń múshesi Tilegen Tólegenuly KASKIN dúnıege keldi.
Soltústik Qazaqstan oblysy Esil aýdanynda týdy.
1994 jyly Qorǵan memlekettik aýyl sharýashylyq akademııasynyń ekonomıst-uıymdastyrýshy mamandyǵy boıynsha bitirdi. 2000 jyly Qazaqstan Respýblıkasy Prezıdentiniń janyndaǵy memlekettik qyzmet Akademııasynyń memlekettik qyzmet menedjeri mamandyǵy boıynsha bitirdi.
2015 jyly Sibir aýyl sharýashylyǵy ekonomıkasynyń ǵylymı-zertteý ınstıtýtynyń dıssertatsııalyq keńestiń sheshimimen oǵan ekonomıka ǵylymy kandıdatynyń ǵylymı dárejesi berildi. 2018 jyly Qazaqstan Respýblıkasynyń Bilim jáne ǵylym mınıstrliginiń bilim jáne ǵylym salasyndaǵy baqylaý boıynsha Komıtetiniń sheshimimen PhD ekonomıka doktory dárejesi berildi.
Eńbek jolyn 1987 jyly Soltústik Qazaqstan oblysynyń Sokolovka selosynda aýdandyq azyq-túlik kombınatynyń slesary bolyp bastady.
1994-1995 jyldary Soltústik Qazaqstan oblysynyń Sokolovka selosynda «IGІLІKBANK» KAB Sokolovka fılıalynyń aǵa mamanyny bolyp qyzmet atqardy. 1995-1998 jyldary Soltústik Qazaqstan oblysy Qyzyljar aýdany ákimi apparatynyń kishi jáne orta bıznes komıtetin basqardy, 1998-2000 jyldary QR Prezıdenti janyndaǵy memlekettik qyzmet Akademııasynyń tyńdaýshysy, 2000-2001 jyldary Soltústik Qazaqstan oblysy ákimi apparatynyń bas ınspektory qyzmetin atqardy. 2001-2003 jylary QR memlekettik qyzmet isteri jónindegi agenttiginiń Soltústik Qazaqstan oblysy boıynsha basqarma bastyǵynyń orynbasary boldy. 2003-2004 jyldary QR memlekettik qyzmet isteri jónindegi agenttiginiń Soltústik Qazaqstan oblysy boıynsha basqarmasyn basqardy. 2004-2006 jyldary Soltústik Qazaqstan oblysy Aqqaıyń aýdanynyń ákimi bolyp qyzmet istedi. 2006-2008 jyldary Soltústik Qazaqstan oblysy ákimi apparatynyń basshysy, 2008-2013 jyldary QR memlekettik qyzmet isteri jónindegi agenttiginiń Soltústik Qazaqstan oblysy boıynsha basqarma bastyǵy — Tártiptik Keńestiń tóraǵasy boldy. 2013-2014 jyldary QR memlekettik qyzmet isteri jónindegi agenttiginiń Astana qalasy boıynsha departamentiniń Tártiptik Keńestiń tóraǵasy boldy. 2014-2016 jyldary QR memlekettik qyzmet isteri jónindegi agenttiginiń Astana qalasy boıynsha departament basshysynyń orynbasary — departamenttiń Tártiptik Keńesiniń tóraǵasy boldy. 2016 jyldan 2018 jyldyń shildesin qosa Qazaqstan Respýblıkasynyń memlekettik qyzmet isteri jónindegi agenttiginiń Astana qalasy boıynsha departament basshysy, Ádep boıynsha Keńestiń tóraǵasy qyzmetin atqardy. Soltústik Qazaqstan oblysy boıynsha tekserý komıssııasynyń tóraǵasy.
Qazirgi qyzmetinde 2022 jyldyń qarashasynan bastap.
47 jyl buryn (1977) QR Qorǵanys mınıstriniń orynbasary Qanysh Asanhanuly ÁBÝBÁKІROV dúnıege kelgen.
Túrkistan oblysynda týǵan. QR Qarýly Kúshteri Áskerı akademııasyn, Ulttyq qorǵanys, áskerı jáne memlekettik basqarý ýnıversıtetin bitirgen.
Eńbek joly: 1998-1999 jyldary №32363 áskerı bóliminiń desant-shabýyldaý batalony barlaý rotasynyń barlaý tobynyń komandıri, 1999-2001 jyldary №32363 áskerı bóliminiń aýyr zeńbirekter rotasynyń komandıri, 2001-2006 jyldary №32363 áskerı bóliminiń desant-shabýyldaý batalony komandıriniń orynbasary, №61993 áskerı bólimi komandıriniń orynbasary – shtab bastyǵy, 2006-2009 jyldary №22750 áskerı bóliminiń komandıri, 2009-2012 jyldary №25744 áskerı bóliminiń komandıri, 2012-2015 jyldary №61993 áskerı bóliminiń komandıri, 2015-2016 jyldary QR Qarýly Kúshteri Aeromobıldi ásker qolbasshysy basqarmasynyń áskerı daıyndyq basqarmasynyń bastyǵy - Aeromobıldi ásker qolbasshysynyń áskerı daıyndyq jónindegi orynbasary, 2016-2017 jyldary QR Qarýly Kúshteri Qurlyqtaǵy áskerler desant-shabýyldaý áskerleri qolbasshysynyń birinshi orynbasary – shtab bastyǵy, 2017-2019 jyldary «Batys» óńirlik qolbasshylyǵy áskerleriniń qolbasshysy, 2019-2021 jyldary QR Qarýly kúshteri Qurlyq áskerleriniń Desanttyq-shabýyldaý áskerleriniń qolbasshysy.
ІІ dárejeli «Aıbyn» ordenimen; «Jaýyngerlik erligi úshin» medalimen marapattalǵan.
45 jyl buryn (1979) tanymal qazaqstandyq jýrnalıst, júzdegen derekti fılmniń avtory jáne prodıýseri Maııa BEKBAEVA dúnıege keldi.
Shyǵys Qazaqstan oblysy, Semeı qalasynda týǵan. Ál-Farabı atyndaǵy Qazaq memlekettik ýnıversıtetiniń jýrnalıstıka fakýltetin bitirgen.
Eńbek joly: Televıdenıege 2000 jyly kelgen, aldymen Almatynyń «Shahar» telearnasynda jýrnalıst, keıinnen jańalyqtar qyzmetiniń júrgizýshisi qyzmetin atqarady. 2005 jyly Almatyda qalalyq «Tań» telearnasynyń jýrnalısti, keıinnen shef-redaktor qyzmetine aýysady. 2009 jyly «Qazaqstan» telekorporatsııasynyń shaqyrtýymen Astana qalasyna kóship, «Qazaqstan» telekorporatsııasynda 2011 jyldyń maýsym aıyna deıin qyzmet etedi. 2012 jyldan bastap «Jetinshi arnada» jańalyqtar jáne «Drýgımı slovamı» baǵdarlamasy, sonymen qatar áleýmettik taqyryptaǵy «JOLY bar!» tok-shoýynyń júrgizýshisi retinde qyzmet etti. 2016-2019 jyldary «Habar» agenttiginde birqatar baǵdarlamalardy júrgizdi. Qazaqstan halqy Assambleıasy Tóraǵasynyń orynbasary (2020-2022). 2019-2022 jyldary «Qazaq TV» telearnasynyń dırektory. Jibek Joly telearnasyndaǵy «Nasha ıstorııa» jobasynyń avtory.
76 jyl buryn (1948-2007) QR Prezıdentiniń buqaralyq aqparat quraldary salasyndaǵy syılyǵynyń, Qazaqstan Jýrnalıster odaǵy syılyǵynyń laýreaty Oleg Vadımovıch KVıATKOVSKII dúnıege keldi.
Reseıde týǵan. Qazaq memlekettik ýnıversıtetin bitirgen.
«Sovetskaıa Chýkotka», «Lenınskaıa smena», «Kazahstanskaıa pravda» gazetteriniń tilshisi, «Stroıtelnoı gazety» gazetiniń Qıyr Shyǵys boıynsha, menshikti tilshisi, «Trýd» gazetiniń Túrikmenstan boıynsha, Qazaqstan boıynsha menshikti tilshisi qyzmetterin atqarǵan. 1993-1996 jyldary «Karavan-Edvertaızıng» jarnama agenttiginiń bas dırektory. 1999-2001 jyldary «Karavan» gazetiniń bas redaktory, «Trýd-Kazahstan» jaýapkershiligi shekteýli seriktestiginiń dırektory. 2001-2002 jyldary «31 kanal» teleradıo kompanııasynyń atqarýshy dırektory. 2002-2005 jyldary «Stolıchnaıa jızn» gazetiniń bas redaktory. 2005-2007 jyldary «Kazahstanskaıa pravda» Respýblıkalyq gazeti» aktsıonerlik qoǵamynyń prezıdenti qyzmetin atqarǵan. «Qurmet» ordenimen (2006), «Eńbek ardageri», «Qazaqstan Respýblıkasynyń táýelsizdigine 10 jyl» medaldarymen; I, II dárejeli «KSRO KSRO shekara áskerleriniń úzdigi» belgisimen, BLKJO OK Qurmet belgisimen marapattalǵan.
