12 adamnyń ómirin qıǵan órt: Úkimette yqtımal sebebi aıtyldy
ASTANA. KAZINFORM — Túrkistan oblysy Jetisaı aýdany Alǵabas aýylynda eki qabatty jeke úı órtenip, 12 kisi qaza tapqan qaıǵyly oqıǵaǵa turmystyq jaǵdaı sebep bolǵan. Bul jóninde QR Premer-mınıstriniń orynbasary Qanat Bozymbaev Úkimette ótken baspasóz konferentsııasynda málimdedi.
— Bul — turmystyq jaǵdaı. Menińshe, tergeý aıaqtaldy. Úıde elektr qurylǵylar bolǵan. Úkimettik komıssııa birneshe ret jınalyp, baryp, teksergen. Saraptamadan keıin turmystyq jaǵdaı ekeni túsinikti boldy, — dedi vıtse-mınıstr jýrnalısterdiń suraǵyna jaýap bere otyryp.
Qaıǵyly oqıǵadan keıin QR Qylmystyq kodeksiniń 292-baby, 3-bólimi, ıaǵnı «Órt qaýipsizdigi talaptaryn buzý» boıynsha qylmystyq is qozǵalǵan edi.
Aıta keteıik, buǵan deıin Túrkistan oblysynda turǵyn úıde bolǵan órtten 12 adam mert bolǵanyn jazǵanbyz.
Sondaı-aq, QR Bala quqyqtary jónindegi ýákil Dınara Zákıeva áleýmettik jelidegi paraqshasynda qaza bolǵandardyń otbasyna kóńil aıtty.
Odan bólek, Prezıdenttiń tapsyrmasy boıynsha Túrkistan oblysyndaǵy órtke baılanysty Úkimettik komıssııa qurylǵan bolatyn.
