12 adamnyń qazasy: Órt bolǵan úıdiń shatyry opyrylyp túsken
ASTANA. KAZINFORM — QR Bala quqyqtary jónindegi ýákil Dınara Zákıeva áleýmettik jelidegi paraqshasynda qaza bolǵandardyń otbasyna kóńil aıtty.
Onyń sózinnshe, órt bolǵan úıde eki otbasy, ata-analary men balalary turǵan.
— Túrkistan oblysy Jetisý aýdany Alǵabas aýylynda órt saldarynan 9 bala qaza boldy. Atalǵan úıde eki otbasy, ata-analary men balalary turǵan. Úıden órt shyǵyp, shatyry opyrylyp túsken. Óńirlik ýákil Psıhologııalyq qoldaý ortalyǵy mamandarymen birge oqıǵa ornyna shyqty. Órttiń shyǵý sebebi men mán-jaıy tergelip jatyr. Qaza bolǵandardyń týystaryna kóńil aıtamyz, — dep jazdy Zákıeva.
Eske salsaq, Túrkistan oblysy Jetisaı aýdanynyń Alǵabas aýylynda eki qabatty jeke turǵyn úı órtenip, 12 adam mert boldy. Onyń 9-y bala.
Prezıdent Qasym-Jomart Toqaev órt saldarynan kóptegen adamnyń qaza tabýyna baılanysty kóńil aıtyp, Úkimet pen Túrkistan oblysynyń ákimine zardap shekken azamattardyń týǵan-týystaryna barlyq qajetti kómek kórsetip, qaıǵyly oqıǵany jan-jaqty tekserýdi tapsyrdy.