12 adamnyń qazasy: Aqtóbede tergeý aıaqtalyp, is sotqa tústi

AQTÓBE. KAZINFORM — Jol-kólik apaty kezinde eki júrgizýshi de kóz jumdy. Alaıda is boıynsha júk kóliginiń júrgýzishisine aıyp taǵylǵan.

Aqtóbe oblystyq soty baspasóz qyzmetiniń habarlaýynsha, is oblystyq qylmystyq ister jónindegi mamandandyrylyǵan aýdanaralyq sotynda qaralady. Sotqa deıingi tyńdaý 29-jeltoqsan kúni ótedi. Júk kóliginiń júrgizýshisine Qylmystyq kodekstiń 345-baby 4-bóligimen aıyp taǵylady.

Eske salsaq, qazan aıynda Aqtóbede eki kólik soqtyǵysyp, 12 adam qaza tapty. Oqıǵa Áıteke bı aýdany Belqopa aýyly mańynda boldy. 

Júk kóligi men jolaýshylar tasymaldaıtyn GAZel soqtyǵysty. Aman qalǵan jolaýshylardyń úsheýi aýyr jaǵdaıda ekeni aıtyldy. 

Jol-kólik oqıǵasynan soń Samara-Shymkent tasjolynyń bir bóligi jabyldy. 

ІІM Aqtóbe oblysyndaǵy jol-kólik oqıǵasyn tergeý úshin arnaıy top jiberdi. 

Aqtóbede jol-kólik apatyna kimniń kináli ekeni naqtylandy. 

Premer-mınıstr Oljas Bektenovtiń tapsyrmasymen Aqtóbe oblysy Áıteke bı aýdany Belqopa aýylynyń shetinde bolǵan jol-kólik oqıǵasynyń sebepterin tergeý jóninde úkimettik komıssııa qurylǵany anyqtaldy.