12 adamnyń qazasy: Aqtóbede is qysqartylyp, anyqtaýshyǵa jeke qaýly shyǵaryldy
AQTÓBE. KAZINFORM - Marqum sottalýshynyń isi tergeý kezinde-aq qysqartýǵa jatady. Sýdıa qaýly shyǵarǵanda polıtsııa anyqtaýshysy óz isine salǵyrt qarady dep tanydy.
Aqtóbe oblystyq qylmystyq ister jónindegi mamandandyrylǵan aýdanaralyq sotynda júk kóliniń júrgizýshisine qatysty is qaraldy.
- Qylmystyq kodekstiń 345-baby 4-bóligi boıynsha aıyptalýshy I. Halelovke qatysty qylmystyń is Qylmystyq-protsestik kodekstiń 35-baby 1-bóligi 1-tarmaǵyna sáıkes qaıtys bolýyna baılanysty óndiristen toqtatylsyn. Qylmystyq qýdalaý toqtatylsyn, - dedi sýdıa A.Sabyrov.
Sot qaýlysymen eki kólik te ıelerine qaıtaryldy. Sonymen birge sýdıa Aqtóbe oblystyq PD bastyǵyna jeke qaýly shyǵardy.
- Qylmystyq is qujattarynda anyqtalǵandaı, sottalýshy qaıtys bolǵan. QR QPK 35-baby 1-bóligi 11-tarmaǵyna sáıkes qylmystyq is qaıtys bolǵan adamǵa qatysty toqtatýǵa jatady. Alaıda qylmystyq qýdalaý organy isti toqtatý týraly sheshimdi qabyldamaǵan. Kerisinshe aıyptaý aktisin jasaqtap, qylmystyq isti sotqa joldaǵan. Bul mán-jaılar polıtsııa qyzmetkeri Tájikenniń qyzmetine salǵyrt, nemquraıly qarap, kóptegen fýnktsıonaldyq qyzmetin tıisinshe atqarmaǵanyn, protsestik zańnama talaptaryn saqtamaǵanyn kórsetedi. Aldaǵy ýaqytta zań talaptarynyń buzylýyna jol bermeý úshin sot Aqtóbe oblystyq PD bastyǵynyń nazar aýdarýy durys dep esepteıdi, - dedi sýdıa.
Eske salsaq, qazan aıynda Aqtóbede eki kólik soqtyǵysyp, 12 adam qaza tapty. Oqıǵa Áıteke bı aýdany Belqopa aýyly mańynda boldy. Júk kóligi men jolaýshylar tasymaldaıtyn GAZel soqtyǵysty. Aman qalǵan jolaýshylardyń úsheýi aýyr jaǵdaıda ekeni aıtyldy.
Jol-kólik oqıǵasynan soń Samara-Shymkent tasjolynyń bir bóligi jabyldy.
ІІM Aqtóbe oblysyndaǵy jol-kólik oqıǵasyn tergeý úshin arnaıy top jiberdi.
Aqtóbede jol-kólik apatyna kimniń kináli ekeni naqtylandy.
Premer-mınıstr Oljas Bektenovtiń tapsyrmasymen Aqtóbe oblysy Áıteke bı aýdany Belqopa aýylynyń shetinde bolǵan jol-kólik oqıǵasynyń sebebin tergeý jóninde úkimettik komıssııa qurylǵany anyqtaldy.