12,5 myńdaı kredıt alýshy ekonomıkanyń zardap shekken salalarynda qyzmet etedi - agenttik

NUR-SULTAN. QazAqparat – 12,5 myńǵa jýyq kredıt alýshy ekonomıkanyń tótenshe jaǵdaıdy jáne karantın sharalaryn engizýden zardap shekken salalarynda qyzmetin júzege asyrýda. Bul týraly Úkimet otyrysynda Qarjy naryǵyn retteý jáne damytý agenttiginiń tóraıymy Mádına Ábilqasymova aıtty, dep habarlaıdy QazAqparat tilshisi.

«Agenttiktiń baǵalaýynsha 12,5 myńǵa jýyq kredıt alýshy ekonomıkanyń tótenshe jaǵdaıdy jáne karantın sharalaryn engizýden zardap shekken salalarynda qyzmetin júzege asyrýda. Memleket basshysynyń tapsyrmasyn iske asyrý maqsatynda agenttik Úkimetpen birlesip «Bıznestiń jol kartasy-2025» baǵdarlamasynyń talaptary boıynsha ekonomıkanyń zardap shekken sektorlarynda shaǵyn jáne orta bıznestiń barlyq qoldanystaǵy kredıtteri boıynsha paıyzdyq stavkalardy jyldyq 6 paıyzǵa deıin memlekettik sýbsıdııalaýdy qamtamasyz etedi. Sýbsıdııalaý tótenshe jaǵdaı rejımi jarııalanǵan sátten bastap, ıaǵnı osy jylǵy 16 naýryzdan bastap 12 aı kezeńge beriledi», - dedi agenttik tóraıymy.

Onyń dereginshe, búgingi kúni shaǵyn jáne orta bıznes sýbektileriniń kredıtteri boıynsha ortasha stavka shamamen 15 paıyzdy quraıdy.

«Kredıt alýshylardy kóbirek qamtýdy qamtamasyz etý úshin sýbsıdııalanatyn kredıtter boıynsha eń joǵary stavkany 20 jıyrma paıyzdan tómen emes mólsherde belgileý usynylady. Bul rette ortasha alǵanda sýbsıdııalaý stavkasy 9 paıyzǵa deıin bolady»,- dedi Mádına Ábilqasymova.