12-20 aqpan kúnderi bokstan eresekter arasynda Qazaqstannyń jeke birinshiligi ótedi

Bul aqparatty elimizdiń Boks federatsııasynan habarlady.

Baspasóz qyzmetiniń atap ótýinshe, jarys Almatydaǵy Balýan sholaq atyndaǵy sport kesheninde ótpek. Chempıonatqa 14 oblystyq jáne Astana men Almaty qalalarynyń quramalary qatysady. Bylǵary qolǵap sheberleri AIBA-nyń halyqaralyq erejesi boıynsha básekege túsedi, ıaǵnı jeńilgen boksshy birden jarys jolynan shyǵyp qalady. Quramalar árbir salmaq dárejesinde bir ǵana sportshy shyǵarýǵa quqyly. Sonymen qatar sportshynyń turǵylyqty jerinde esepte turýy mindetti.