12-14 jeltoqsanda Rımde beıbitshilik salasyndaǵy Nobel syılyǵy laýreattarynyń sammıti ótedi
ASTANA. QazAqparat - 12-14 jeltoqsanda Rımde beıbitshilik salasyndaǵy Nobel syılyǵy laýreattarynyń sammıti ótedi. Uıymdastyrý komıtetiniń bul sheshimi týraly ıtalıandyq BAQ málim etti, dep habarlady TASS.
Budan buryn kezdesýdi qazan aıynyń ortasynda Keıptaýnda ótkizý josparlanǵan bolatyn. Alaıda OAR bıligi 79 jastaǵy tıbettik býddashylardyń dinı kóshbasshysy - dalaı-lamaǵa vıza berýden bas tartýyna baılanysty 14 adam sammıtke qatysýdan bas tartty. Sodan keıin kezdesý keıinirek basqa qalada ótetini habarlandy.
Beıbitshilik salasyndaǵy Nobel syılyǵy - Nobel qory jyl saıyn beıbitshilikti nyǵaıtý salasyndaǵy jetistikter úshin beriletin bedeldi marapat. Alǵashqy Nobeldik beıbitshilik syılyǵy 1901 jyly tapsyryldy. 1901 jyldan 2013 jylǵa deıin syılyq 93 ret berildi, 100 adam onyń laýreaty atandy, sonyń ishinde 1990 jyly Mıhaıl Gorbachevke de berildi. 25 ret bul syılyq beıbitshilikti saqtaýǵa qomaqty úles qosqan uıymdarǵa, atap aıtqanda, Eýroodaqqa (2012) jáne Hımııalyq qarýlarǵa tyıym salý uıymyna (2013) berildi.
