119 mln teńge zalal keltirgen qylmyskerler Qazaqstanǵa ekstradıtsııalanyp, sottaldy

ASTANA. QazAqparat - Qala prokýratýrasynyń ótinishi boıynsha jyl basynan beri túrli elderden 4 Qazaqstan azamaty ekstradıtsııalanǵan, dep habarlaıdy QazAqparat vedomstvonyń baspasóz qyzmetine silteme jasap.

Olardyń arasynda Qýanyshbaı Hamraev bar. Oǵan alaıaqtyq jasady degen kúdikke ilinýine baılanysty halyqaralyq izdeý salynyp, 8 aıdan keıin Ózbekstannan qaıtaryldy.

Hamraev tanystary arasynda joǵary shendi sheneýniktermen baılanysta ekenin aıtyp, olarǵa sot daýy boıynsha máselelerdi sheshý úshin yqpal etýge ýáde etken. Ol alaıaqtyq jolmen azamattardyń 40 mln teńge kóleminde qarjysyn ıemdengen.

Al Qaırat Orazbekov bir jyldan astam ýaqyt boıy halyqaralyq izdeýde bolǵan. Ol adamdar tobymen birge aldyn ala sóz baılasyp, urlyq jasaǵan. Onyń keltirgen zalaly 23 mln teńgeni quraıdy.

Kúdikti aýyr qylmys jasaǵannan keıin quqyq qorǵaý organdarynan qashyp, Ýkraınaǵa ketken. Osyǵan baılanysty oǵan halyqaralyq izdeý jarııalandy.

119 mln teńge zalal keltirgen qylmyskerler qazirgi tańda Astana sotynyń úkimimen uzaq merzimge bas bostandyqtarynan aıyryldy. Zardap shegýshilerdiń talaptary qanaǵattandyryldy.