118 uıaly telefondy shekaradan zańsyz ótkizbek bolǵandardyń joly kesildi
ASTANA. QazAqparat - Qazaqstandyq shekarashylar 118 uıaly telefondy memlekettik shekaradan zańsyz ótkizbek bolǵandardyń jolyn kesti, dep habarlaıdy QR UQK Shekara qyzmetiniń baspasóz qzymetinen.
«Qorǵas» shekaralyq baqylaý otrıadynyń baqylaýshylary Shekaralyq yntymaqtastyqtyń halyqaralyq ortalyǵynda Qazaqstan Respýblıkasynyń 3 azamatyn ustady.
Qol júkterin tekserý kezinde olardan zańsyz 96 dana uıaly telefon tabyldy. Budan basqa, ustalǵandardyń biriniń denesinen jabysqaq lentamen japsyrylyp jasyrylǵan 22 dana telefon anyqtaldy. Osylaısha jalpy sany 118 dana zańsyz telefon tárkilendi.
Atalǵan azamattar telefondardy kedendik baqylaýdan jasyryn ótkizýge tyrysqan. Qazirgi ýaqytta atalǵan derek boıynsha tekserý amaldary júrgizilýde.
