1171 pavlodarlyq tótenshe jaǵdaı rejımin buzǵan
PAVLODAR. QazAqparat - Pavlodar oblysynda 1171 turǵyn tótenshe jaǵdaı rejımin buz5an dep habarlaıdy QazAqparat Polisia.kz-ke silteme jasap.
Koronavırýs taralýyn boldyrmaý, sondaı-aq azamattardyń ómiri men densaýlyǵyn saqtaý maqsatynda Pavlodar oblysynyń bas memlekettik sanıtarlyq dárigeriniń sheshimimen 2020 jyly 13 sáýirde Pavlodar oblysynda karantındik rejım engizildi. Sonymen qatar, tótenshe jaǵdaı jarııalanýyna baılanysty keıbir nysandardyń qyzmeti toqtatyldy. Tártip saqshylary únemi karantındik aýmaqty kúzetedi. Ýspen aýdanynyń aýyldarynyń birinde saǵat 17-30-da ashananyń jumys isteý faktisi anyqtaldy. Tótenshe jaǵdaıdyń jarııalanýyna baılanysty memlekettik organ belgilegen talaptardy buzyp, adamdardyń kóp shoǵyrlanýy bar obektilerdiń qyzmetin toqtata turǵany úshin QR Ákimshilik quqyq buzýshylyq týraly kodekstiń 476-baby boıynsha 51 jastaǵy obekt ıesine qatysty ákimshilik materıal toltyryldy. Sot sheshimimen aýyl turǵyny 10 AEK aıyppul túrinde jaýapkershilikke tartyldy.
Oblys turǵyndary tótenshe jaǵdaıdyń jarııalanýyna baılanysty 1 171 rejımdi buzǵan jáne memlekettik organ belgilegen talaptardy saqtamaǵan.
Buzýshylar QR ÁQBtK 476 jáne 478-baptary boıynsha ákimshilik jaýapkershilikke tartylady. 109 adam bes kúnnen 10 kúnge deıin ákimshilik qamaýǵa alyndy, 206 oblys turǵynynyń árqaısysyna 10 AEK mólsherinde aıyppul salyndy, 712 adamǵa eskertý jasaldy. Polıtsııa qyzmetkerleri turǵyndardy densaýlyǵyna muqııat bolýǵa jáne karantındik rejımdegi azamattardyń tártibi men qaýipsizdigin qamtamasyz etý qajettiligine baılanysty shekteýlerdi túsinýge shaqyrady.
