117 myńnan astam qazaqstandyqtyń shetelge shyǵýyna tyıym salynǵan
«2023 jyldyń 24 shildesindegi jaǵdaıǵa sáıkes, jalpy atqarýshylyq is júrgizý boıynsha Qazaqstan Respýblıkasynan shyǵýy ýaqytsha shektelgen azamattardyń sany – 117 381 adam. Olardyń bereshegi 2 trln teńgeden asa sommany quraıdy», - dep atap ótedi mınıstrlik agenttiktiń resmı saýalyna bergen jaýabynda.
Sonymen qatar, vedomstvo elimizde balalaryna alıment tóleýden jaltaryp júrgen azamattarǵa qatysty derektermen bólisti.
«Jalpy, alıment tóleýden jaltaryp júrýshiler problemalyq alımentter sanatyna jatady, ıaǵnı olar – izdeý jarııalanǵandar, merzimdik óndirip alý týraly atqarýshylyq is júrgizý boıynsha úsh aıdan asatyn bereshegi barlar, alıment tóleýden qasaqana jaltaryp júrgender. Alıment boıynsha boryshkerlerdiń sany 2023 jyldyń birinshi jartyjyldyǵynda 13 316 adamdy qurady», - dep naqtylaıdy mınıstrlikten.
