115 jastaǵy ıspandyq búgin Eýropanyń eń qart adamy atandy
ASTANA. QazAqparat - 115 jastaǵy Ispanııa turǵyny Ana Vela Eýropanyń eń qart adamy atandy, dep habarlaıdy dúısenbi kúni El Pais ıspandyq basylymy.
Senbi kúni Italııada 1900 jylǵa deıin ómirge kelgen Eýropanyń eń qart turǵyny Emma Morano 117 jasynda qaıtys boldy. Mine endi ótken jyldan beri Ispanııanyń eń qart turǵyny atanyp kelgen 115 jastaǵy Ana Vela Eýropanyń eń qart adamyna aınaldy.
Ana Vela 1901 jyly 29 qazan kúni Ispanııanyń Kordoba qalasynda ómirge kelgen, onyń densaýlyǵy «álsiz» delinip otyr. Keıýananyń 89 jastaǵy qyzynyń aıtýynsha, uzaq ómir súrýdiń eshqandaı qupııasy joq. «Tamaqtanǵanda jarty bokal tátti sharap ishkendi unatady, biraq eshqashan kóp ishpeıdi. Tamaqtyń barlyq túrin jeıdi - etti de, balyqty da, kókónisterdi de. Ol qalypty úı dıetasyn ustaıdy», - dep málimdedi rekordshynyń qyzy.
Foto:© EPA/ANTONINO DI MARCO
