114 myńnan astam qazaqstandyq Skills Enbek platformasynda kýrs oqydy
ASTANA. KAZINFORM — 2026 jyldyń toǵyz aıynda Skills Enbek onlaın-platformasynda 114,8 myńnan astam adam oqýdan ótti. Olardyń shamamen 47%-y – aýyldyq eldi meken turǵyndary.
Oqýdy aıaqtaǵandardyń 43,3 myńy – jumyssyz azamattar. Onyń ishinde 16-34 jas aralyǵyndaǵy 12,3 myń jas jáne aýyl turǵyndarynyń 23,5 myńy bar.
Skills Enbek azamattarǵa qosymsha bilim alyp, jumys barysynda jáne jumysqa ornalasý kezinde qajet bolatyn daǵdylardy meńgerýge múmkindik beredi. Onlaın formatta oqý ortalyǵyna barmaı-aq, ózine yńǵaıly ýaqytta bilim alýǵa bolady. Kýrstar kompıýter arqyly da, Enbek mobıldi qosymshasy arqyly da qoljetimdi.
Eńbek jáne halyqty áleýmettik qorǵaý mınıstrligimálimetinshe, kazirgi ýaqytta platformada 1,3 mln-nan astam paıdalanýshy tirkelgen. Platforma jumysyn bastaǵannan beri 1,29 mln-nan astam sertıfıkat berildi. Munda túrli uıymdardyń avtorlary ázirlegen 565 kýrs qoljetimdi. Onyń 60%-dan astamy tegin.
Paıdalanýshylar arasynda aqparattyq tehnologııalar, qarjy jáne býhgalterlik esep, áleýmettik qyzmet kórsetý, turǵyn úımen qamtý jáne tamaqtaný salasy, saýda men qoıma, sondaı-aq aýyl sharýashylyǵy baǵytyndaǵy kýrstar joǵary suranysqa ıe.
Oqý kýrsyn aıaqtap, qorytyndy testileýden sátti ótkender elektrondyq sertıfıkatqa ıe bolady. Málimetter Enbek.kz Elektrondyq eńbek bırjasynda jasalǵan túıindemege avtomatty túrde engiziledi. Bul jumys izdeýshige óziniń kásibı profılin tolyqtyrýǵa, al jumys berýshige kandıdattyń alǵan bilimi men meńgergen daǵdylary týraly aqparatpen tanysýǵa múmkindik beredi.
Platforma jumys izdeýshilerge, sondaı-aq bilimin jetildirip, jańa quraldardy meńgerýge nemese biliktiligin arttyrýǵa nıetti mamandarǵa da qoljetimdi.
Onlaın oqytýdy damytý arqyly azamattardyń kásibı bilim alýǵa qoljetimdiligi artyp, eńbek naryǵyndaǵy múmkindikteri keńeıedi. Bul – mınıstrlik jumysynyń mańyzdy baǵyttarynyń biri.
Skills.enbek.kz saıtynda qoljetimdi kýrstarmen tanysyp, jańa bilim men daǵdylardy meńgerýge bolady.
Qazaqstanda UBT-ǵa daıyndyq kýrsynyń baǵasy qansha ekenin jazǵan edik.
Coursera-daǵy kýrstardyń 40%-y qazaq tilinde qoljetimdi.
