113 jyl buryn dúnıege kelgen bala: ІІM túsinik berdi
ASTANA. QazAqparat - QR Іshki ister mınıstrligi Qaraǵandyda osydan 113 jyl buryn, dúnıege kelmeı turyp, meken-jaıǵa tirkeýge alynǵan qaraǵandylyq 6 jasar bala tóńiregindegi keleńsiz oqıǵaǵa pikir bildirdi, dep habarlaıdy QazAqparat tilshisi.
«Zakon.kz saıtynda jarııalanǵan «Qaraǵandyda 6 jasar balany ómirge kelmesten 113 jyl buryn tirkeýge alǵan» degen aqparatqa keler bolsaq, búgingi kúni turǵylyqty meken-jaıda 2012 jyly dúnıege kelgen bala týraly derek joq. Meken-jaı málimeti jeke sáıkestendirý nómirin generatsııalaý barysynda AHAT aqparattyq júıesindegi meken-jaı bazasyna avtomatty túrde engizilgen. Buǵan qosa, onyń is júzindegi turǵylyqty meken-jaıynyń tirkelgendigi týraly málimetterdiń bolmaýyna qaramastan aqparattyq júıe avtomatty túrde qısynsyz «30.12.1899 j.» datasyn engizgen», - dedi Almas Sadýbaev.
Osyǵan oraı, ІІM ókili kámelet jasyna tolmaǵan balanyń ata-anasyna ony turǵylyqty jerine tirkeý úshin Halyqqa qyzmet kórsetý ortalyǵyna júginý kerektigin aıtty. Bul rette olar ózimen birge balanyń týý týraly kýáligin, jeke kýáligin jáne jyljymaıtyn múlik ıesi ekenin dáleldeıtin qujatty ala barýy kerek.
«Bala tirkeýge jazbasha kelisim berý úshin páter ıesiniń ózi kelýi mindetti. Turǵylyqty meken-jaıǵa tirkeý rásimi aıaqtalǵannan keıin meken-jaı anyqtamasy 5-10 mınýttyń ishinde beriledi», - dedi ol.
