113 qaraǵandylyq otbasy turǵyn úı sertıfıkattaryn aldy

QARAǴANDY. QazAqparat – Ótken jyldan beri oblys ortalyǵynda júzege asyrylyp kele jatqan «Baqytty otbasy» baǵdarlamasy aıasynda 113 qaraǵandylyq otbasy 108 mıllıon teńgeden astam somaǵa turǵyn úı sertıfıkattaryn aldy, dep habarlaıdy QazAqparat tilshisi.

Atalmysh kómekti otbasy tabysy aıyna eń tómengi kúnkóris deńgeıiniń eki kórsetkishinen tómen azamattar ala alady. Alynǵan soma bir mıllıon teńgeden aspaıdy – turǵyn úı qunynyń 10%.

Ádette, sertıfıkattar erekshe qajettilikteri bar balalardy tárbıelep otyrǵan otbasylarǵa, kóp balaly ata-analarǵa, jalǵyz basty analarǵa beriledi. Olardyń barlyǵy páter alýǵa kezekte turýy kerek. Bul shart mindetti bolyp tabylady, sebebi baǵdarlamaǵa qatysý úshin Qaraǵandy qalasynyń turǵyn úı qatynastary bólimine júginý qajet.

Esterińizge sala keteıik, «Turǵyn úı qatynastary týraly» QR Zańyna sáıkes

Indýstrııa jáne ınfraqurylymdyq damý mınıstrligi osy qujatty berý erejesin ázirlegen bolatyn. Olardy jergilikti atqarýshy organdar memlekettik baǵdarlama sheńberinde páter satyp alý kezinde bastapqy jarna úshin áleýmettik kómek retinde usynady.